9 مئی مقدمات: علی امین گنڈاپور، فیصل جاوید کی راہداری ضمانت منظور

?️

پشاور: (سچ خبریں) پشاور ہائیکورٹ نے نامزد وزیراعلیٰ خیبرپختونخوا و رہنما تحریک انصاف (پی ٹی آئی) علی امین گنڈا پور اور سینیٹر فیصل جاوید کی اسلام آباد میں درج مقدمات میں راہداری ضمانت منظور کرلی۔

’ڈان نیوز‘ کے مطابق پشاور ہائیکورٹ کے چیف جسٹس ابراہیم خان نے علی امین گنڈاپور اور فیصل جاوید کی درخواست ضمانت پر سماعت کی۔

چیف جسٹس نے استفسار کیا کہ یہ تو بہت پرانا مقدمہ ہے، علی امین گنڈا پور کہاں تھے؟ وکیل علی امین گنڈاپور نے جواب دیا کہ ہمیں اس مقدمے کے بارے میں معلوم نہیں تھا۔

وکیل علی امین گنڈا پور کا کہنا تھا کہ ڈی آئی خان بنچ نے پہلے ہی مقدمات ضمانت دی ہے۔

دریں اثنا پشاور ہائی کورٹ نے علی امین گنڈا پور کی ضمانت منظور کرلی اور انہیں ایک لاکھ روپے کے مچلکے جمع کرانے کا حکم دیا۔

علاوہ ازیں پشاور ہائی کورٹ نے سینیٹر فیصل جاوید کی راہداری ضمانت بھی منظور کرلی اور انہیں ایک لاکھ روپے کے مچلکے جمع کرانے کا حکم دے دیا۔

عدالت پیشی کے موقع پر علی امین گنڈاپور نے میڈیا سے گفتگو کرتے ہوئے کہا کہ پورے پاکستان میں ہمارے اوپر جعلی ایف آئی آر درج کی گئیں، آج بھی ایک کیس. میں عدالت نے ضمانت دے دی ہے، عمران خان بھی جلد رہا ہو جائیں گے۔

انہوں نے کہا کہ کمیٹی تشکیل دی گئی ہے جو مختلف جماعتوں کے ساتھ اتحاد کرنے پر کام کر رہی ہے، عمران خان کے ساتھ مشاورت کے بعد کابینہ تشکیل کے معاملات طے کیے جائیں گے۔

علی امین گنڈاپور نے کہا کہ صوبائی کابینہ میں وزرا کے لیے نام شارٹ لسٹ کرلیے ہیں، فیصلہ عمران خان کریں گے، عمران خان جو فیصلہ کریں گے وہ سب کو قبول ہوگا۔

انہوں نے کہا کہ جو لوگ تکالیف سے بھاگیں ہیں ان کی جگہ نہیں، ہمیں پتا چل گیا ہے کہ سخت حالات میں کس نے مقابلہ کیا ہے۔

انہوں نے مزید کہا کہ وفاق سے اپنا حق لیں گے، اس میں کوئی رعایت نہیں کی جائے گی۔

عدالت پیشی کے موقع پر فیصل جاوید نے میڈیا سے گفتگو کرتے ہوئے کہا کہ پشاور ہائیکورٹ سے ضمانت مل گئی ہے۔

انہوں نے کہا کہ سب پر مشکل وقت گزرا ہے، دعا ہے کہ سب مظلوم اپنے گھروں کو واپس آجائیں۔

انہوں نے کہا کہ عمران خان کی رہائی کا سب کو انتظار ہے، جلد ہی بانی پی ٹی آئی قوم کے بیچ ہوں گے۔

مشہور خبریں۔

1948 کے بعد سے پہلی بار بنی براک ایرانی میزائلوں کی زد میں

?️ 18 جون 2025 سچ خبریں:صہیونی خاخاموں کے تمام دعوؤں کے باوجود 1948 کے بعد

ترکی اور دیگر اسلامی ممالک کے خلاف اہم امریکی سازشیں

?️ 15 جولائی 2021سچ خبریں:ترکی کے ایک ریٹائرڈ جنرل نے اپنے ملک کی بغاوت میں

مراکش نے دیا فلسطینیوں کے ساتھ دشمنی کا ثبوت، انتہا پسند اسرائیلی وزیراعظم کو عہدہ سنبہالنے پر مبارکباد پیش

?️ 18 جون 2021مراکش (سچ خبریں)  افریقی ملک مراکش نے فلسطینیوں کے ساتھ دشمنی کا

جنگ میں فوج کی ہلاکتوں کی وجہ سے اسرائیلی ہسپتالوں پر شدید دباؤ

?️ 22 جنوری 2024سچ خبریں:واللا نیوز کے مطابق  یمرجنسی ڈیپارٹمنٹ جانے کی صورت میں مریضوں

مداح اسٹیڈیم میں ہراسانی کا شکار بننے والی ثنا جاوید کی حمایت میں آگئے

?️ 20 فروری 2024ملتان: (سچ خبریں) حال ہی میں کرکٹر شعیب ملک سے دوسری شادی

ٹرمپ ایک خودخواہ شخص ہیں:امریکی عہدہ دار

?️ 12 ستمبر 2022سچ خبریں:وائٹ ہاؤس کے سابق وکیل نے ٹرمپ کو خود پسند قرار

غزہ کے بارے میں ٹرمپ کے خیالی منصوبے پرسابق صیہونی وزیراعظم کا بیان

?️ 9 فروری 2025سچ خبریں:صیہونی ریاست کے سابق وزیر اعظم ایہود باراک کا کہنا ہے

عمران خان کے بیٹوں سے متعلق رانا ثناء اللہ کی گفتگو پر جمائمہ بھی بول پڑیں

?️ 10 جولائی 2025لاہور: (سچ خبریں) پاکستان تحریک انصاف کے پیٹرن انچیف عمران خان کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے