ہم ایران پر اسرائیلی حملے کی بھرپور مذمت کرتے ہیں۔ رمیش سنگھ

?️ 13 جون 2025

ننکانہ صاحب (سچ خبریں) صوبائی وزیر پنجاب اقلیتی امور سردار رمیش سنگھ اروڑا نے ننکانہ صاحب کا دورہ کیا۔

تفصیلات کے مطابق سردار رمیش سنگھ اروڑا نے گفتگو کرتے ہوئے کہا ہے کہ ہم ایران پر اسرائیلی حملے کی بھر پور مذمت کرتے ہیں۔

ذرائع کے مطابق انہوں نے کہا کہ اسرائیل اس وقت خطے میں خطرے کی علامت ہے ، پاکستان پر جو ڈرون انڈیا کی طرف سے فائر کئے گئے ان پر بھی میڈ ان اسرائیل لکھا ہوا تھا،لگتا ہے جو تیسری عالمی جنگ کی باتیں ہو رہی یہ اس بات کی کڑی ہے۔

صوبائی وزیر پنجاب اقلیتی امورکا مزید کہنا تھا کہ ہم اقوام متحدہ سے اپیل کرتے ہیں ہوش کے ناخن لے اور معصوم بچوں کے قتل عام کو بند کروائے ،اگر یہ جنگ جاری رہی تو پوری دنیا اس کی لپیٹ میں آئے گی،ہم ایران کی عوام اور اس کی جمہوریت کے ساتھ ہیں۔