گورنر پنجاب نے فلسطین کے لئے 100 ملین روپے کا اعلان کیا

🗓️ 19 مئی 2021

لاہور (سچ خبریں) لاہور میں گورنر پنجاب چوہدری محمد سرور نے بزنس کیمونٹی اور دیگر وفود سے ملاقات کیاس موقع پر چوہدری محمد سرور نے کہا کہ فلسطینی عوام کو مشکل کی اس گھڑی میں کسی صورت تنہا نہیں چھوڑیں گے چوہدری محمد سرور نے کہا کہ انشاء اللّہ بزنس کیمونٹی کے تعاون سے فلسطینی بہن بھائیوں کی اور بھی مدد کریں گے۔

اُنہوں نے کہا کہ اسلامی ممالک متحد ہوجائیں تو فلسطین اور کشمیر کو آزاد ہونے سے کوئی طاقت نہیں روک سکتی، یہ وقت اسلامی ممالک کے ذاتی مفادات کے تحفظ کا نہیں فلسطین کے ساتھ کھڑے ہونے کا ہے۔

گورنر پنجاب نے یہ بھی کہا کہ وزیر اعظم عمران خان اقوام متحدہ سمیت ہر فورم پر فلسطینیوں کا مقدمہ لڑیں گے۔اُن کا کہنا تھا کہ21 مئی کو حکومت بھرپور ’یوم یکجہتی فلسطین‘ منائے گی اور ہم کسی قربانی سے دریغ نہیں کریں گے۔چوہدری محمد سرور کا مزید کہنا تھا کہ اسرائیل نے فلسطینیوں پر مظالم میں ہٹلر کو بھی پیچھے چھو ڑ دیا ہے۔