?️
اسلام آباد:(سچ خبریں) سابق وزیراعظم اور چیئرمین پاکستان تحریک انصاف (پی ٹی آئی) عمران خان نے کہا ہے کہ حکومت انتخابات سے خوفزدہ ہے اور مبینہ ’لندن پلان‘ کے تحت آئندہ انتخابات سے قبل انہیں گرفتار یا نااہل کروانا چاہتی ہے۔
عمران خان نے کہا کہ موجودہ کٹھ پتلی حکومت پی ٹی آئی کو انتخابی مہم چلانے سے روکنے کے لیے ہر طرح کے حربے استعمال کر رہی ہے۔
پی ٹی آئی سربراہ نے یہ باتیں پارٹی صدر چوہدری پرویز الٰہی سے گفتگو کے دوران کہیں جنہوں نے گزشتہ روز صبح ان سے زمان پارک میں ان کی رہائش گاہ پر ملاقات کی، انہوں نے واضح کیا کہ بروقت انتخابات کے انعقاد کے حوالے سے سپریم کورٹ کے آئینی حکم کی راہ میں کوئی رکاوٹ قبول نہیں کی جائے گی۔
ایک گھنٹے تک جاری رہنے والی ملاقات میں دونوں رہنماؤں نے صوبے کی سیاسی صورتحال کے علاوہ آئینی اور قانونی امور پر تبادلہ خیال کیا، انہوں نے زمان پارک کے باہر پارٹی کارکنان کے خلاف پولیس آپریشن کی مذمت کی۔
پی ٹی آئی سربراہ نے کہا کہ حکومت پرتشدد ہتھکنڈوں میں بہت آگے نکل چکی ہے، پارٹی کارکنوں قابل تعریف ہیں جو حکومت کے تمام ہتھکنڈوں کے خلاف ڈٹ کر کھڑے رہے۔
پرویز الہٰی نے کہا کہ نگران پنجاب حکومت کی جانب سے استعمال کیے جانے والے ہتھکنڈے انتخابات کی راہ میں رکاوٹ نہیں بن سکیں گے، زمان پارک آپریشن مسلم لیگ (ن) کے رہنماؤں کی ذاتی خواہش پر کیا گیا۔
پرویز الہٰی نے الزام عائد کیا کہ پنجاب میں نگراں حکومت مخالفین کے آئینی، سیاسی اور انسانی حقوق کی خلاف ورزی کر رہی ہے، اعلیٰ عدلیہ کو چاہیے کہ موجودہ حکمرانوں کے اِن ہتھکنڈوں کا نوٹس لے اور اس بات کو یقینی بنائے کہ انتخابات آئینی مدت کے اندر ہوں۔
انہوں نے کہا کہ حکمرانوں میں عوام کا سامنا کرنے کی ہمت نہیں ہے، عمران خان کا پیغام گھر گھر پہنچ چکا ہے، حکمرانوں کو ووٹ کی طاقت سے شکست دیں گے۔
بعد ازاں سابق اسپیکر قومی اسمبلی اسد قیصر اور سینیٹر ذیشان خانزادہ نے پرویز الہٰی سے ان کی رہائش گاہ پر ملاقات کی اور ملک کی سیاسی صورتحال سمیت پنجاب اور خیبرپختونخوا میں انتخابی منظر نامے پر تبادلہ خیال کیا۔
پرویز الہٰی اور اسد قیصر نے کہا کہ نگراں وزیر اطلاعات عامر میر نے پختونوں کو دہشت گرد کہہ کر ان کے جذبات کو ٹھیس پہنچائی ہے، ایسا رویہ ملک کے مفاد میں نہیں ہے، پختون دہشت گرد نہیں بلکہ محب وطن ہیں۔
ان کا کہنا تھا کہ عمران خان کا سب سے عظیم اقدام چاروں صوبوں کے ساتھ ساتھ گلگت بلتستان کے لوگوں میں بھائی چارہ پیدا کرنا ہے۔
سابق وزیر اعلیٰ پنجاب نے کہا کہ عمران خان نے ہمیشہ قانون اور عدلیہ کا احترام کیا ہے جبکہ نااہل حکمران جمہوریت کو نقصان پہنچا رہے ہیں اور پاکستان کے آئین کی بے حرمتی کر رہے ہیں۔
انہوں نے کہا کہ عمران خان کے خلاف مقدمات مسلم لیگ (ن) کی خواہش پر درج کیے گئے، نواز شریف پاکستان سے فرار ہیں اور باہر بیٹھ کر عدلیہ اور عمران خان کے خلاف بدنیتی پر مبنی مہم چلا رہے ہیں، دنیا بھر میں لوگ عمران خان کے ظلم کے خلاف سراپا احتجاج ہیں۔
مشہور خبریں۔
ایران نے امریکہ کو بالواسطہ مذاکرات کی تجویز کیوں دی؟
?️ 30 مارچ 2025سچ خبریں: ایران کے وزیر خارجہ سید عباس عراقچی نے جمعرات 7
مارچ
یمن کے جزیرہ سقطری میں صیہونیوں کی نقل و حرکت
?️ 30 جولائی 2022سچ خبریں:یمن کے مقامی ذرائع نے اس ملک کے جزیرہ سقطری میں
جولائی
فوج میں فرد نہیں، ادارے کی پالیسی ہوتی ہے، مداخلت بھی پالیسی کے تحت ہوتی رہی، وزیر داخلہ
?️ 10 دسمبر 2022اسلام آباد:(سچ خبریں) وفاقی وزیر داخلہ رانا ثنا اللہ نے کہا ہے
دسمبر
2022 میں فائرنگ کا نشانہ بننے والے امریکی بچے
?️ 31 دسمبر 2022سچ خبریں:امریکہ میں گن وائلنس آرکائیو کی رپورٹ سے پتہ چلتا ہے
دسمبر
کورونا سےمزید 98 افراد جان کی بازی ہار گئے
?️ 7 ستمبر 2021اسلام آباد (سچ خبریں) پاکستان میں کورونا کی چوتھی لہر کے وار
ستمبر
افغانستان میں طالبان اور افغان فورسز کے مابین شدید جھڑپیں، درجنوں افراد ہلاک ہوگئے
?️ 2 اگست 2021کابل (سچ خبریں) افغان فورسز نے اتوار کے روز سڑکوں پر شدید
اگست
وزیر اعظم کشمیر کاز کو مضبوط بنا رہے ہیں: فردوس عاشق
?️ 23 جولائی 2021لاہور (سچ خبریں) وزیراعلیٰ پنجاب کی معاون خصوصی ڈاکٹر فردوس عاشق اعوان
جولائی
نیتن یاہو اسرائیل کا اصل دشمن ہے: ایہود اولمرٹ
?️ 30 اکتوبر 2024سچ خبریں: حزب اللہ کے خلاف شکست کا تلخ تجربہ رکھنے والے
اکتوبر