کشتی حادثے کی تحقیقات کیلئے اعلیٰ سطح کی حکومتی ٹیم آج مراکش روانہ ہوگی

🗓️

اسلام آباد: (سچ خبریں) حکومت کی ایک اعلیٰ سطح کی ٹیم آج مراکش روانہ ہوگی جو صورتحال کا جائزہ لے گی اور بحر اوقیانوس میں مراکش اور موریطانیہ کے درمیان تارکین وطن کی کشتیوں کے حادثے میں جاں بحق ہونے والے پاکستانیوں کا پتا لگائے گی۔

میڈیا رپورٹس کے مطابق جہاز پر سوار 65 پاکستانی تارکین وطن میں سے 44 یا تو ڈوب گئے ہیں یا مبینہ تشدد سے جاں بحق ہو گئے جبکہ 10 لاشیں برآمد کر لی گئی ہیں، میڈیا رپورٹس کے مطابق کم از کم 19 افراد زندہ بچے ہیں۔

زندہ بچ جانے والے افراد اور لاشیں اس وقت مراکش کے ساحل کے قریب واقع ایک چھوٹے سے قصبے دخلہ میں موجود ہیں۔

ذرائع کے مطابق وزیراعظم شہباز شریف نے مراکش کے لیے ایک حکومتی ٹیم بھیجنے کا فیصلہ کیا ہے جس میں وفاقی تحقیقاتی ادارے (ایف آئی اے) کے ایڈیشنل ڈائریکٹر جنرل (نارتھ) منیر مارتھ، ایڈیشنل سیکریٹری داخلہ سلمان چوہدری اور وزارت خارجہ اور انٹیلی جنس بیورو کے نمائندے شامل ہیں۔

انہوں نے بتایا کہ حکام مراکش کے دارالحکومت رباط اور دخلہ کا دورہ کریں گے جہاں وہ صورتحال کا جائزہ لیں گے اور ایک تفصیلی رپورٹ مرتب کریں گے جو وزیر اعظم کو پیش کی جائے گی۔

دریں اثنا ایف آئی اے نے تارکین وطن کو غیر قانونی طور پر بیرون ملک بھیجنے میں ملوث ملزمان کے خلاف 3 مقدمات درج کرلیے ہیں، گوجرانوالہ اور گجرات میں ایف آئی اے کرائم سرکلز میں گجرات اور سیالکوٹ کے انسانی اسمگلرز کے خلاف مقدمات درج کیے گئے ہیں۔

متاثرین کا تعلق سیالکوٹ اور منڈی بہاالدین سے بھی ہے، جمعے کو درج کی گئی ایف آئی آر کے مطابق سیالکوٹ کی تحصیل ڈسکہ کے گاؤں بڈھا گوریا کی رہائشی شبنم ارفان نے الزام عائد کیا ہے کہ ان کے شوہر عرفان اور ان کے بھائی محمد ارسلان کو مقامی ایجنٹ اصغر سندھی اور اس کے ساتھی رانا اسامہ نے یورپ بھیجنے کے لیے 40 لاکھ روپے لیے تھے۔

انہوں نے بتایا کہ ایجنٹ نے انہیں ہوائی جہاز کے ذریعے اسپین بھیجنے کا وعدہ کیا تھا جس کے بعد وہ 24 ستمبر کو فیصل آباد ایئرپورٹ سے براستہ دبئی ایتھوپیا روانہ ہوئے تھے، انہوں نے بتایا کہ ایتھوپیا سے انہیں سینیگال اور موریطانیہ لے جایا گیا جہاں ایجنٹوں نے انہیں ایک جہاز پر بھیج دیا۔

انہوں نے بتایا کہ ایجنٹوں نے 6 جنوری کو واٹس ایپ کال کے ذریعے انہیں بتایا کہ ان کے شوہر اور بھائی اسپین پہنچ گئے ہیں جس پر انہوں نے گھر کے دونوں افراد سے تصدیقی کال طلب کی، لیکن ایجنٹوں نے نہ تو کال کا انتظام کیا اور نہ ہی اس کے بعد ان سے رابطے میں رہے۔

متاثرہ خاندانوں کے ذرائع نے بتایا کہ گجرات کے 4 گاؤں سے تعلق رکھنے والے 28 افراد میں سے صرف 2 ہی زندہ بچ سکے جبکہ باقی ان افراد میں شامل تھے جن کے بارے میں خیال کیا جاتا ہے کہ وہ لاپتا یا مر چکے ہیں۔ عزیر بٹ سمیت زندہ بچ جانے والوں نے اسمگلرز اور پولیس اہلکاروں کے ہاتھوں اپنی مبینہ تکلیف کی تفصیلات شیئر کیں۔

انہوں نے بتایا کہ زندہ بچ جانے والوں نے بتایا کہ مبینہ اسمگلرز جن میں کچھ افریقی شہری بھی شامل ہیں اور وہ روزانہ 4 سے 5 افراد کو قتل کرکے لاشوں کو سمندر میں پھینک دیتے تھے۔

ایف آئی اے کی جانب سے گرفتار کیے جانے والوں میں ایک خاتون بھی شامل ہے جس پر اپنے بیٹے کے لیے متاثرین سے نقد رقم وصول کرنے کا الزام ہے۔

جب ایف آئی اے کی ٹیموں نے اس گھناؤنے جرم میں ملوث ملزمان کی گرفتاری کے لیے چھاپے مارے تو ایجنٹ کے خاندان کے دیگر افراد گاؤں سے فرار ہو گئے تھے۔

مشہور خبریں۔

سرخ رومال والا حماس کا پراسرار کمانڈر ابو عبیدہ کون ہے؟

🗓️ 7 فروری 2024سچ خبریں: سوشل میڈیا پر ابوعبیدہ کی مقبولیت نے القسام کے ترجمان

بھارت نے افغاستان کے ذریعے پاکستان کو نقصان پہنچایا ہے

🗓️ 19 ستمبر 2021اسلام آباد(سچ خبریں)  مشیر برائے قومی سلامتی ڈاکٹر معید یوسف کا کہنا

پاکستان میں آٹے کا بحران؛ قیمتوں میں غیر معمولی اضافہ

🗓️ 8 جنوری 2023سچ خبریں:220 ملین کی آبادی والے ملک پاکستان جہاں روٹی روزمرہ کی

پارلیمنٹ کی نشستوں کی واپسی کے مقدمے میں پی ٹی آئی کی جیت

🗓️ 13 جولائی 2024سچ خبریں: تحریک انصاف نے پاکستان کی سپریم کورٹ کے فیصلے سے

کیا ترکی شام کی دلدل میں پھنس جائے گا؟

🗓️ 9 دسمبر 2024سچ خبریں: شام کے دوسرے سب سے بڑے شہر حلب پر اپوزیشن

انڈسٹری میں ’بھولا‘ کے کردار نے مجھے پہچان دی، عمران اشرف

🗓️ 6 فروری 2021کراچی {سچ خبریں} عمران اشرف نے ڈرامہ انڈسٹری میں شناخت بخشنے کا

پرویز الہٰی کو کرپشن کیس میں نیب کی نئی تحقیقات کا سامنا

🗓️ 10 جون 2023لاہور: (سچ خبریں) قومی احتساب بیورو  نے گجرات اور منڈی بہاالدین کے

نیوزی لینڈ کے خلاف قانونی کارروائی کے لیے وکلا سے مشاورت کریں گے

🗓️ 22 ستمبر 2021اسلام آباد(سچ خبریں)  وفاقی وزیر اطلاعات و نشریات فواد چوہدری نے کہا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے