کراچی (سچ خبریں)کورنا وائرس کی بڑھتی لہر کو دیکھتے ہوئے ایک مقامی کمپنی نے چین کی دوا ساز کمپنی سے پاکستان میں کوڈ ویکسین بنانے کا معاہدہ کیا ہے ایم/ایس سرلے کمپنی لمیٹڈ کی جانب سے پاکستان اسٹاک ایکسچینج کو لکھے گئے خط میں یہ بات سامنے آئی جس میں کمپنی کا کہنا تھا کہ اس نے چینی کمپنی لائیوزون مفارم انک کے ساتھ نوول کورونا وائرس ویکسین (وی-01) بنانے کا معاہدہ کیا ہے۔
خط سے یہ بات معلوم ہوئی کہ ویکسین اپنے ٹرائل کے آخری مرحلے میں ہے اور اس کے ٹھوس نتائج سامنے آئے ہیں، کمپنی نے امید ظاہر کی کہ یہ عالمی وباکے خلاف مجموعی اقدامات میں اہم اضافہ ہوگی۔
خط میں کہا گیا کہ ‘ری کمبینینٹ نوول کووِڈ 19 ویکسین (وی-01) لائیوزون نے تیار کی ہے جس کے کلینیکل ٹرائل کے پہلے اور دوسرے مرحلے میں حوصلہ افزا نتائج سامنے آئے ہیں’۔
خط میں مزید کہا گیا کہ تیسرے مرحلے کی کلینکل تحقیق میں متعدد ممالک میں 20ہزار سے زائد سبجیکٹس شامل ہیں جس کا مقصد وی-01 پروگرام کی افادیت، تحفظ اور قوت مدافعت ابھارنے کی صلاحیت کا جائزہ لینا ہے۔
کمپنی کا کہنا تھا کہ دنیا بھر میں تیار کی جانے والی کووِڈ ویکسین منصوبوں میں سے وی-01 میں بہت سے ممکنہ فوائد ہیں مثلاً مضبوط سیفٹی پروفائل، جاندار شے میں اعلیٰ غیر جانبدار اینٹی باڈی کی طاقت، طویل پائیداری اور مینوفیکچرنگ بڑھانے میں آسانی شامل ہے۔
سیئرلے پر اعتماد ہے کہ موجودہ عالمی وبا کے دور میں متعلقہ حکام فوری طور پر اس معاملے کو دیکھیں گے اور تیزی سے منطوری کی معاونت کریں گے تا کہ تیسرے مرحلے کے کلینکل ٹرائلز پاکستان میں کیے جاسکیں۔
مالیاتی منڈی اور طبی ماہرین کا خیال ہے صحت کے بڑھتے ہوئے بحران اور کورونا وائرس کی ایک بعد ایک نئی لہر کے دوران بہتر علاج کی ضرورت دوا ساز کمپنیوں کے لیے کاروباری فوائد حاصل کرنے کا موقع بن کر ابھری ہے۔
ڈرگ ریگولیٹری اتھارٹی پاکستان (ڈریپ) نے اب تک ملک میں استعمال کے لیے 4 ویکسینز کو منظوری دی ہے جس میں کین سینوفام اور کین سینو، اسپٹکنک وی ار آسٹرازینیکا شامل ہیں۔
ادویہ سازی کی صنعت کے ایک عہدیدار کا اس سلسلے میں کہنا تھا کہ ‘یہ پہلی مرتبہ ہوگا کہ کوئی دوا ساز کمپنی کسی منظورہ شدہ ویکسین کی تیاری کا اجازمہ نامہ لائے گی۔
