چیلنج ہے کہ تمام حکومتی جماعتیں مل کر 10سیٹیں بھی جیت جائیں تو ہم سمجھیں گے جیت گئے: اسد قیصر

?️

لاہور: (سچ خبریں) مرکزی رہنماء پی ٹی آئی اسد قیصر نے کہا ہے کہ چیلنج ہے کہ تمام حکومتی جماعتیں مل کر 10سیٹیں بھی جیت جائیں تو ہم سمجھیں گے جیت گئے ۔ انہوں نے جیو نیوز کے پروگرام میں گفتگو کرتے ہوئے کہا کہ پی ٹی آئی میں کوئی اختلافات نہیں ، ایک دوسرے کی رائے مختلف ہوسکتی ہے لیکن اختلاف نہیں۔

اختلاف تب ہوگا جب عمران خان کو اختلاف ہوگا، عمران خان کی قیادت میں پوری پی ٹی آئی متحد ہے، چھوٹی موٹی باتوں تنازعات سے پارٹی کو کوئی نقصان نہیں پہنچے گا، پارٹی کی مقبولیت 20فیصد مزید بڑھ گئی ہے۔حماد اظہر کے حلقے لاہور میں لوگوں کا مزید اچھا رسپانس ملا ہے۔ آئین قانون کی بالادستی کیلئے عمران خان کام کررہا ہے، جب بھی الیکشن ہوگا، میں ایک تقریر میں مریم نواز کو چیلنج دیا تھا کہ تمام حکومتی جماعتیں اکٹھی ہوجائیں، پی ٹی آئی کو لیول پلیئنگ فیلڈ دیں اور شفاف کروائیں، اگر یہ سب مل کر 10سیٹیں بھی جیت جائیں تو ہم سمجھیں گے کہ یہ جیت گئے ہیں۔

اس وقت عوام ایک طرف کھڑی ہے جب حکومت میں وہ لوگ ہیں جن کے پاس عوامی نمائندگی نہیں ہے۔ حکومت کے ساتھ نہیں بیٹھ سکتے کیونکہ یہ عوامی حکومت نہیں ہے، ہم قومی ایجنڈے پر حکومت کے ساتھ بیٹھ سکتے ہیں۔ شہبازشریف عوام کو دکھانے کیلئے ہمارے ساتھ ہاتھ بھی ملاتے ہیں جبکہ دوسری جانب کریک ڈاؤن کرتے ہیں۔ مزید برآں مشیراطلاعات خیبرپختونخواہ بیرسٹرسیف نے کہا ہے کہ شہباز شریف نے پوری قوم کے جذبات کو ٹھیس پہنچائی، فلسطین پر کسی بھی قسم کا سمجھوتہ عوام تسلیم نہیں کریں گے۔

 اسد قیصر نے اپنے ردعمل میں کہا کہ شہبازشریف ایک جعلی وزیراعظم ہیں، فلسطین پر کسی بھی قسم کا سمجھوتہ ان کے دستخط کے ساتھ جعلی ہی تصور ہوگا۔ پاکستان کے عوام کا منتخب کردہ وزیراعظم عمران خان ہیں، جنہیں جعلی حکمرانوں نے جھوٹے مقدمات میں قید کر رکھا ہے، شہبازشریف جعلی مینڈیٹ کے ذریعے وزیراعظم بنے ہیں، فلسطین پر کسی بھی قسم کا سمجھوتہ عوام تسلیم نہیں کریں گے۔

شہباز شریف نے پوری قوم کے جذبات کو ٹھیس پہنچائی ہے۔ شہباز شریف ٹرمپ کے 20 نکاتی ایجنڈے پر دستخط اور ان کے ٹویٹ کا خیرمقدم کرنے پر قوم سے معافی مانگیں، ایک جعلی وزیراعظم باہر جا کر قوم کی ترجمانی نہیں کر سکتا، جعلی حکومت نے فلسطین کے حوالے سے اصولی مؤقف کو تبدیل کرنے کی کوشش کی ہے۔ مشیراطلاعات خیبرپختونخوا بیرسٹر سیف نےکہا کہ عمران خان کی کی فلسطین بارے وہی پالیسی ہے جو قائداعظم کی تھی۔ بیرسٹر سیف نے کہا کہ پاکستان کے عوام کا منتخب کردہ وزیراعظم بانی پی ٹی آئی عمران خان ہے، بانی پی ٹی آئی کو جھوٹے مقدمات میں قید کر رکھا ہے۔

مشہور خبریں۔

کیا امریکہ واقعی نیجریہ پر حملے کی تیاری کر رہا ہے؟

?️ 10 نومبر 2025سچ خبریں:ڈونلڈ ٹرمپ کی جانب سے نیجریہ پر ممکنہ حملے کی دھمکی

یوکرین جنگ کے بارے میں امریکی قرارداد کا مسودہ منگل کو پیش کیا جائے گا  

?️ 22 فروری 2025 سچ خبریں:امریکی وزیر خارجہ نے سوشل میڈیا پر ایک پیغام میں

بندرگاہوں پر نئی پابندیوں سے ملک میں گندم، آٹے کی ترسیل کو خطرہ

?️ 14 اکتوبر 2023کراچی: (سچ خبریں) رواں ماہ 12 اکتوبر سے بندرگاہ حکام کی جانب

سیدھی بات، ہمارے 16 ارکان نے پیسے لے کر خود کو بیچ دیا: عمران خان

?️ 5 مارچ 2021اسلام آباد (سچ خبریں) سینیٹ انتخابات میں ہار کے بعد وزیراعظم عمران

اسرائیلی کریڈٹ کارڈ نیٹ ورک پر سائبر حملہ

?️ 11 نومبر 2024سچ خبریں: عبرانی زبان کے میڈیا نے اعلان کیا کہ اسرائیل میں

کیا اسرائیل قیدیوں کے تبادلے پر متفق ہے؟

?️ 30 جنوری 2024سچ خبریں:عبرانی زبان کے مختلف میڈیا کے مطابق کہ اسرائیل نے ثالثوں

سابق رکن قومی اسمبلی جمشید دستی کا تحریک انصاف میں شمولیت کا اعلان

?️ 23 مارچ 2023اسلام آباد:(سچ خبریں) سابق رکن قومی اسمبلی اور پاکستان عوامی راج پارٹی

امریکہ کی ایک ریفائنری میں لگی آگ

?️ 12 مئی 2026 سچ خبریں:خبروں کے ذرائع کے مطابق، امریکی ریاست اوکلاہوما کے شہر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے