پنجاب حکومت کا سرکاری ملازمین کے لئے اہم اعلان

?️ 21 دسمبر 2021

لاہور (سچ خبریں) پنجاب حکومت نے اہم فیصلہ لیتے ہوئے  مستقل سرکاری ملازمین کے بچوں کو وظائف دینے کے لیے لاکھوں روپے بہبود فنڈ دینے کا اعلان کر دیا ہے۔ اس حوالے سے حکومت کا کہنا ہے کہ 90 فیصد سے زائد نمبر لینے والے طلباء کو 50 ہزار روپے تک وظیفہ لگایا جائے گا۔

تفصیلات کے مطابق لاہور سمیت پنجاب بھر کے سرکاری ملازمین کے لیے خوشخبری آئی ہے۔ پنجاب حکومت نے مستقل سرکاری ملازمین کے بچوں کو وظائف دینے کے لیے لاکھوں روپے بہبود فنڈ دینے کا اعلان کر دیا ہے۔سرکاری ملازمین کی تنخواہوں سے کٹوتیاں کی جائیں گی۔ حکومت کے اس فیصلے سے بچوں کی پڑھائی پر کیا اثر پڑے گا ابھی اس کے بارے میں کچھ کہنا قبل از وقت ہوگا۔

خیال رہے کہ سرکاری ملازمین کے بچوں کو وظائف بہبود فنڈز میں ادا کیے جائیں گے۔درخواستیں یکم جنوری سے 31 مارچ 2022 تک صوبائی بیناولنٹ فنڈ کے دفتر جمع کروائی جا سکیں گے۔اس حوالے سے بتایا گیا ہے کہ 90 فیصد سے زائد نمبر لینے والے طلباء کو 50 ہزار روپے تک وظیفہ لگایا جائے گا۔سرکاری ملازمین کی تنخواہوں میں سے بہبود فنڈ کے نام پر ماہانہ کٹوتیاں کی جاتی ہیں۔ وظائف کی ادائیگی بہبود فنڈ کی مد میں کی جانے والی کٹوتیوں میں سے کیے جائیں گے۔