پاکستان کی معاشی سمت بہتر اور معیشت ترقی کیجانب گامزن ہے۔ وزیراعظم

?️ 6 اگست 2025

اسلام آباد (سچ خبریں) وزیراعظم شہباز شریف نے کہا ہے کہ پاکستان کی معاشی سمت بہتر اور معیشت ترقی کی جانب گامزن ہے۔

تفصیلات کے مطابق وزیر اعظم نے اسٹاک ایکسچینج میں انڈیکس ایک لاکھ 45 ہزار پوائنٹس کی حد عبور کرنے پر اطمینان کا اظہار کرتے ہوئے کہا کہ اسٹاک ایکسچینج میں کاروبار میں تیزی سرمایہ کاروں کے حکومتی پالیسیوں پر اعتماد کی عکاسی ہے۔ انہوں نے کہا کہ کاروبار اور سرمایہ کاری کو ہر ممکن سہولت فراہم کرنا اولین ترجیحات میں شامل ہے۔

ذرائع کے مطابق شہباز شریف نے کہا کہ فیڈرل بورڈ آف ریونیو (ایف بی آر) میں اصلاحات سے ٹیکس نظام میں بہتری اور کاروباری برادری کو سہولت ملی ہے۔ انہوں نے کہا کہ پاکستان کی معاشی سمت بہتر اور معیشت ترقی کی جانب گامزن ہے۔