وزیر اعظم نے سینیٹر ایوب آفریدی کی بطور مشیر تقرری کی منظوری دے دی

🗓️ 23 نومبر 2021

اسلام آباد (سچ خبریں)وزیر اعظم عمران خان نے سینیٹر ایوب آفریدی کو مشیر برائے اوور سیز لگانے کا فیصلہ کرلیا، اور اس حوالے سے انہیں بطور مشیر تقرری کی منظوری بھی دے دی ہے۔ تاہم صدر مملکت عارف علوی  کی  منظوری کے بعد کابینہ نوٹیفکیشن جاری کرے گی۔

تفصیلات کے مطابق وزیر اعظم عمران خان  نے سینیٹر ایوب آفریدی کو مشیر برائے اوور سیز لگانے کا فیصلہ کرلیا اور سینیٹر ایوب آفریدی کی بطور مشیر تقرری کی منظوری دے دی۔ صدر مملکت کے منظوری کے بعد کابینہ نوٹیفکیشن جاری کرے گی ، کابینہ ڈویژن  نے ایوب آفریدی ک تقرری کی سمری صدر کو بھجوا دی ہے۔

اس سے قبل زلفی بخاری اوور سیز وزارت کے معاون خصوصی تھے۔ یاد رہے گذشتہ ماہ ایوب آفریدی نے سینیٹ کی نشست سے استعفی دیا تھا، ذرائع کا کہنا تھا کہ ایوب آفریدی کو وزیراعظم کا مشیر برائے سفیران بنایا جائے گا۔

سینیٹر ایوب آفریدی نے وزیر اعظم عمران خان کو استعفیٰ پیش کیا ، جس پر وزیر اعظم عمران خان  نے سینیٹر ایوب آفریدی کی خدمات کو سراہا۔ ذرائع  کے مطابق شوکت ترین کو خبیرپختونخوا سے جنرل نشست پر سینیٹر بنایا جائے گا۔ خیال رہے پاکستان تحریک انصاف کے سینیٹر ایوب آفریدی نے سینیٹ کی نشست سے استعفی دے دیا تھا۔