وزیراعظم شہباز شریف 26 اور 27 نومبر کو بحرین کا دورہ کرینگے۔ دفتر خارجہ

?️ 25 نومبر 2025

اسلام آباد (سچ خبریں) وزیر اعظم شہباز شریف 26 اور 27 نومبر کو بحرین کا دورہ کرینگے۔

ترجمان دفتر خارجہ کا کہنا ہے کہ دورہ پاکستان اور بحرین کے دیرینہ، برادرانہ تعلقات کی تجدید کا عکاس ہے، وزیراعظم کے ہمراہ نائب وزیراعظم اسحاق ڈار سمیت اعلی وفد بھی ہوگا۔

دورے کے دوران بحرینی قیادت سے تجارت اور سرمایہ کاری پر بات چیت ہوگی، توانائی، ٹیکنالوجی اور تعلیم و ثقافت پر بھی بات چیت ہوگی۔

دورہ دوطرفہ تعاون کو مزید فروغ دینے میں اہم سنگ میل ثابت ہوگا۔ واضح رہے بحرین میں پاکستانیوں کی بڑی تعداد روزگار کے سلسلے میں مقیم ہے۔