مقدمات کا فیصلہ آئین کی بنیاد پر ہوتا ہے قانونی اور آئینی پوزیشن یہ ہی ہے۔ وزیر قانون

?️ 27 جون 2025

اسلام آباد (سچ خبریں) اوزیر قانون اعظم نذیر تارڑ نے کہا ہے کہ جو جماعتیں الیکشن میں حصہ لیتی ہیں انکو مخصوص نشستیں ملتی ہیں، مقدمات کا فیصلہ آئین کی بنیاد پر ہوتا ہے قانونی اور آئینی پوزیشن یہ ہی ہے۔

تفصیلات کے مطابق وفاقی وزیر برائے قانون و انصاف اعظم نذیرتارڑ نے سپریم کورٹ میں مخصوص نشستوں کے فیصلے کے بعد گفتگو کرتے ہوئے کہا کہ آج ہائیکورٹ کا فیصلہ ریویو ہوا ہے، جسٹس جمال اپنے سابقہ فیصلے پر بحال رہے ہیں، 9 ججز کی اکثریت سے فیصلہ جاری ہوا ہے۔

ذرائع کے مطابق وزیر قانون اعظم نذیر تارڑ کا اپنی گفتگو میں کہنا تھا کہ اسی فارمولے پر صوبائی اسمبلیوں کی سیٹیں بھی طے ہوں گی، مقدمات کا فیصلہ آئین کی بنیاد پر ہوتا ہے، جو جماعتیں الیکشن میں حصہ لیتی ہیں انکو مخصوص نشستیں ملتی ہیں، آزاد امیدوار مخصوص نشستوں کے حقدار نہیں ہوسکتے۔

اعظم نذیر تارڑ کا مزید کہنا تھا کہ قانون سے ہٹ کر انٹر پارٹی الیکشن نہ کروانا پی ٹی آئی کا اپنا فیصلہ تھا، انہوں نے ایسی جماعت کا الیکشن جس کا چیئرمین کہتا تھا میں آزاد الیکشن لڑا ہوں، انہوں نے خود راہ ہموار کی کہ ان کو کچھ بھی نہ ملے۔