معروف ڈراما ’تیرے بن‘ کی اداکارہ سبینہ فاروق کو ’حیا‘ کا کردار کرنے پر دھمکیاں ملنے لگیں

?️

کراچی: (سچ خبریں) کسی ڈراما یا فلم میں اداکار کی اداکاری اگر کسی کو پسند آجائے تو صارفین تعریفیں کرتے نہیں تھکتے بالخصوص اگر رومانوی کردار ہو تاہم ڈراما میں منفی یا ولن کا کردار ادا کرنے کے والے اداکار کی اداکاری بھی متاثر کن ہوتی ہے۔

منفی کردار ادا کرنے والے اداکار کو مداحوں کی جانب سے سراہا بھی جاتا ہے، تاہم اگر صارفین ڈرامے میں اداکاری کی بنا پر اس اداکار کو دھمکانے، نفرت یا اداکار کے حوالے سے جعلی مواد پوسٹ کرنے لگے تو یہ یقینی طور پر ناقابل قبول ہے۔

اسی طرح کا واقعہ معروف ڈراما ’تیرے بن‘ کی اداکارہ سبینہ فاروق کے ساتھ پیش آیا۔

ڈراما ’تیرے بن‘ میں حیا کا کردار ادا کرنے والی اداکارہ سبینہ فاروق نے انسٹاگرام اسٹوری پر لکھا کہ انہیں ان کے کردار کے حوالے سے دھمکیاں دی جارہی ہیں۔

ان کا کہنا تھا کہ ’میں ڈراما تیرے بن میں اپنے کردار سے متعلق آپ کی بنائی ہوئی میمز کا مزاح لے رہی تھی، لیکن ہر چیز کی ایک حد ہوتی ہے، یوٹیوب پر جعلی اور بیہودہ مواد ڈالا جارہا ہے، اور مجھے دھمکیاں دی جارہی ہیں، یہ میرے اور میرے خاندان کے لیے پریشان کن ہے، حیا صرف ایک کردار ہے۔‘

اداکارہ نے ڈرامے کے کردار اور اداکار کے درمیان فرق نہ سمجھنے والے افراد سے مخاطب ہوکر کہا کہ ’میں درخواست کرتی ہوں کہ اپنا غصہ مجھ پر نکالنا بند کریں اور میں ان لوگوں پر لعنت بھیجتی ہوں جو جعلی یوٹیوب ویڈیوز بنا کر کماتے ہیں، اگر میں اتنی بری ہوں تو مجھے فالو کرنا بند کریں اور ڈرامے میں حیا کے کردار نہ دیکھیں، اگر مجھے مزید کوئی دھمکی دی گئی تو میں نام اور ان کے یوٹیوب چینلز ظاہر کرکے سب کو دکھاؤں گی اور پوسٹ کروں گی۔‘

سبینہ فاروق ڈرامے میں مرتسم (وہاج علی) کی کزن کا کردار ادا کر رہی ہیں جو مرتسم کی محبت میں گرفتار ہے، مرتسم کی شادی میرب سے ہو جاتی ہے، جس کا کردار یمنا زیدی نے ادا کیا ہے۔

شادی کے بعد مرتسم اور میرب کو لڑتے لڑتے محبت ہوجاتی ہے تو اسی دوران حیا حسد کا شکار ہوجاتی ہے اور دونوں کو الگ کرنے کی ہزاروں کوشش کرتی ہے یہاں تک کہ کالا جادو بھی کرنے کو تیار ہو جاتی ہے۔

ڈرامے کی پہلی قسط 28 دسمبر کو نشر ہوئی تھی جس کے فوری بعد مداحوں نے اسے بے حد پسند کیا، نوراں مخدوم کی تحریر کردہ اور سراج الحق کی ہدایت کاری میں بننے والے اس ڈرامے میں یمنہ زیدی اور وہاج علی مرکزی کردار ادا کر رہے ہیں۔

کاسٹ میں بشریٰ انصاری، سہیل سمیر، حرا سومرو، فضیلہ قاضی اور دیگر شامل ہیں۔

ڈراما ’تیرے بن‘ پاکستانی سماج میں بڑے زمینداروں کی حویلیوں کے اندر کی کہانی ہے، جن کی بنیادوں میں خون کی اینٹیں اور جذبات کا سیمنٹ لگا ہوتا ہے۔

ڈرامے کی کہانی مرتسم (وہاج علی) سے شروع ہوتی ہے جسے ایک متکبر جاگیردار دکھایا گیا ہے لیکن وہ لوگوں کے لیے ہمدردی بھی رکھتا ہے۔

میرب (یمنہ زیدی) جو ایک مضبوط لڑکی ہے اور جو وکیل بننا چاہتی ہے اور مرتسم کی طرح اس کا دل بھی اپنے لوگوں کے لیے دھڑکتا ہے، وہ بھی اپنےارد گرد کے لوگوں کا خیال رکھتی ہے اور سب سے زیادہ اپنے والد وقاص (فرحان علی آغا) کے دل کے قریب ہوتی ہے۔

مشہور خبریں۔

فلسطین کی صورتحال کے بارے میں قطر کا اظہار خیال

?️ 9 اکتوبر 2023سچ خبریں: قطر کے امیر نے فلسطینی اتھارٹی کے سربراہ کے ساتھ

پاکستان کے خلیج تعاون کونسل کے ساتھ آزاد تجارت کے ابتدائی معاہدے پر دستخط

?️ 29 ستمبر 2023اسلام آباد:(سچ خبریں) پاکستان اور خلیج تعاون کونسل (جی سی سی) نے

حزب اللہ نے صہیونی فوجیوں کو لبنان کی سرحد سے مار بھگایا

?️ 2 اکتوبر 2024لبنان کی اسلامی مزاحمت نے آج بروز بدھ صہیونی دشمن کے خلاف

جمہوریت مختلف ممالک پر پابندیاں عائد کرنے کا امریکی بہانہ

?️ 12 دسمبر 2021سچ خبریں:ماہرین کا خیال ہے کہ امریکہ جمہوریت کے قیام کے بہانے

خیبرپختونخوا کی حالت ہماری غلط پالیسیوں کی وجہ سے خراب ہے، علی امین گنڈاپور

?️ 3 دسمبر 2024پشاور: (سچ خبریں) وزیراعلی خیبرپختونخوا علی امین گنڈا پور نے کہا ہے

ترکی کا 5400 سے زائد افغان مہاجرین کو ملک بدر کرنے کا منصوبہ

?️ 11 جنوری 2023سچ خبریں:ترکی کے امیگریشن ڈیپارٹمنٹ نے اعلان کیا ہے کہ 5400 سے

ایف آئی اے صحافیوں کے خلاف نوٹس فوری واپس لے، سپریم کورٹ کا حکم

?️ 29 جنوری 2024اسلام آباد: (سچ خبریں) سپریم کورٹ میں صحافیوں اور یوٹیوبرز کو وفاقی

عراق میں3 پاکستانی شہریوں کو سزائے موت

?️ 5 اگست 2024سچ خبریں: صوبہ پنجاب کے ضلع سرگودھا کے رہائشی حیدر علی، گوجرانوالہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے