مراد سعیدنے کارکردگی میں سب وزراء کو پیچھے چھوڑ دیا

?️ 10 فروری 2022

اسلام آباد (سچ خبریں) وزیر مواصلات مراد سعید کارکردگی میں سب پر بازی لے گئے انہوں نے  کارکردگی میں سب ورزا کو پیچھے چھوڑ دیا ، وفاقی وزیر منصوبہ بندی اسد عمرنے دوسری اور ثانیہ نشتر کی تیسری پوزیشن حاصل کی ۔ عبدلرزاق داؤد، وفاقی وزیر داخلہ شیخ رشید اور فخر امام کو بھی بہترین کارکردگی پرسرٹیفکیٹ دیا گیا۔

تفصیلات کے مطابق وفاقی کابینہ کیلئے جزا اور سزا کی پالیسی کے تحت بہترین کارکردگی کا مظاہرہ کرنےوالی 10وفاقی وزارتوں میں تعریفی اسناد تقسیم کرنے کی تقریب کا انعقاد کیا گیا ،وزیراعظم عمران خان تقریب میں شریک ہوئے۔وزیر مواصلات مراد سعید کارکردگی میں سب سے آگے رہے جبکہ کارکردگی کی بنیاد پر وفاقی وزیر منصوبہ بندی اسد عمر کا دوسرا نمبر، ثانیہ نشتر کا تیسرا نمبر رہا۔

وفاقی وزیر تعلیم شفقت محمود نے چوتھی ، وزیر انسانی حقوق ڈاکٹر شیریں مزاری کا پانچویں ، وفاقی وزیر خسرو بختیار نے چھٹی اور معاون خصوصی برائے قومی سلامتی ڈاکٹر معید یوسف نے ساتویں پوزیشن حاصل کی۔عبدلرزاق داؤد، وفاقی وزیر داخلہ شیخ رشید اور فخر امام کو بھی بہترین کارکردگی پرسرٹیفکیٹ دیا گیا، ذرائع کا کہنا ہے کہ شاندارکارکردگی دکھانے والی وزارتوں کے ملازمین کو بھی اضافی الاؤنس دیا جائے گا۔

وفاقی وزیراطلاعات فوادچوہدری نے سماجی رابطے کی ویب سائٹ ٹوئٹ پر کابینہ کی10وزارتوں کو بہترین کارکردگی پر مبارکباد دیتے ہوئے کہا ہم اس بار جگہ نہ بناسکے، کارکردگی پراجیکٹس پرکارکردگی جانچی جاتی ہےجووزارت وزیراعظم آفس کودیتی ہے ، میں نے کچھ منصوبوں میں ردوبدل کیا جو اگلی بار زیادہ سود مند ہوں گے۔