عوام عمران خان کے ساتھ کھڑے ہیں صرف بانی پی ٹی آئی ہی قوم کو متحد کرسکتے ہیں،عمر ایوب

?️ 26 اپریل 2025

راولپنڈی: (سچ خبریں) اپوزیشن لیڈر قومی اسمبلی و پی ٹی آئی رہنماء عمر ایوب کا کہنا ہے کہ عوام عمران خان کے ساتھ کھڑے ہیں صرف بانی پی ٹی آئی ہی قوم کو متحد کرسکتے ہیں، قوم کیا چاہتی ہے سب جانتے ہیں، پاکستان میں بدقسمتی سے قوم تقسیم ہے،راولپنڈی کی انسداد دہشتگردی عدالت میں پیشی کے موقع پر میڈیا سے گفتگو کرتے ہوئے رہنماء پی ٹی آئی نے کہا کہ ہندوستان میں مودی سرکار نے پاکستان کے خلاف اعلان جنگ کر دیا۔

انڈیا نے سندھ طاس معاہدے کو ختم کر دیا۔ نہرو اور ایوب خان کے درمیان معاہدہ ہوا تھا۔ ہندوستان نے ہمارے بارڈر کے ساتھ اپنے اڈے بنا رکھے ہیں۔ 8 جولائی 2024 کو جو بریفنگ ہوئی اس کے تحت پانی بیچا گیا۔ مسلح افواج کو قوم کے ساتھ کھڑا ہونا چاہیے۔

انہوں نے کہا کہ عوام وزیراعظم شہباز شریف اور آئی سی یو کے صدر کے ساتھ نہیں ہیں۔عوام بانی پی ٹی آئی کے ساتھ کھڑے ہیں۔

دوسری جنگ عظیم کے بعد برطانوی وزیراعظم نے عہدہ چھوڑ دیا تھا ۔ وقت کا تقاضا ہے کہ یہ سب عہدے چھوڑ دیں اور بانی پی ٹی آئی کو لے کر آئیں۔واضح رہے کہ اس سے قبل بھی پاکستان تحریک انصاف کے رہنماءاور اپوزیشن لیڈر قومی اسمبلی عمر ایوب نے کہا تھا کہ بھارت کا سندھ طاس معاہدہ معطل کرنا پاکستان کے خلاف اعلان جنگ تھا۔ ہر لمحہ پاکستان کیلئے مشکل لیکن حکومت کے اب تک کے بیانات بزدلانہ ، کمزور اور التجائیہ تھے۔

سوشل میڈیا پلیٹ فارم ایکس پر پیغام میں عمر ایوب کا مزید کہنا تھا کہ پاکستان کی علاقائی سالمیت کو شدید خطرات لاحق تھے لیکن حکومت کی کوئی سمت نہیں تھی۔ وزیر اعظم شہباز شریف کو اردلی کا کردار چھوڑنا ہو گا۔ اتحادی حکومت نے پاکستان کو تباہ کر دیا تھا۔عمر ایوب کامزید کہنا تھا کہ مقبول ترین لیڈر جیل میں بند۔ پی ٹی آئی پرظلم ہو رہا تھا۔ جمود کا شکار اور مردہ معیشت کی وجہ سےہمارا قابل اعتماد دفاع دباو کا شکار تھی۔ صورت حال انتہائی سنگین اور مسلط شدہ حکومت آنکھیں بند کئے بیٹھی تھی۔