صدرِ مملکت کا قومی یکجہتی کے لیے مادری زبانوں کو فروغ دینے پر زور

آصف زرداری

?️

اسلام آباد (سچ خبریں) صدرِ مملکت آصف علی زرداری نے ملک کی متنوع مادری زبانوں کے تحفظ اور فروغ کے عزم کی تجدید پر زور دیتے ہوئے کہا ہے کہ لسانی تنوع ہماری طاقت کا سرچشمہ اور جامع قومی ترقی کی بنیاد ہے، اردو رابطے کی زبان جبکہ مادری زبانیں اولین شناخت ہیں۔

آج مادری زبانوں کے عالمی دن کے حوالے سے اپنے پیغام میں صدر آصف علی زرداری نے کہا کہ زبان شناخت، وقار اور مواقع کی تشکیل میں کلیدی کردار ادا کرتی ہے، پاکستان پنجابی، پشتو، سندھی، بلوچی، سرائیکی، براہوی، ہندکو، شینا، بروشسکی، وخی اور ہزارگی سمیت زبانوں کے ایک بھرپور گلدستے کا گھر ہے، جو صدیوں پر محیط مشترکہ تاریخ اور ثقافتی تبادلے کی عکاسی کرتا ہے۔

صدر مملکت نے کہا کہ اگرچہ اردو وفاق کو جوڑنے والی رابطے کی زبان ہے، تاہم مادری زبانیں بچوں کی پہلی آواز اور ورثے میں ملنے والے علم اور روایت کی بنیادی امین ہیں، زبان محض اظہار کا ذریعہ نہیں بلکہ یہ اس بات کی تشکیل کرتی ہے کہ معاشرے اپنے ماضی کو کیسے یاد رکھتے ہیں، سماجی زندگی کو کیسے منظم کرتے ہیں اور اپنے اردگرد کی دنیا کو کیسے سمجھتے ہیں۔ زبان اخلاقی روایات، مقامی دانش اور ورثے میں ملنے والے تجربات کو اپنے اندر سموئے ہوتی ہے۔

انہوں نے مزید کہا کہ جب کوئی زبان کمزور ہوتی ہے تو صرف الفاظ ہی نہیں کھوتے بلکہ حقیقت کو دیکھنے اور سمجھنے کا ایک منفرد زاویہ بھی ماند پڑ جاتا ہے، اصل چیلنج تنوع نہیں بلکہ اتحاد کو فروغ دیتے ہوئے مشترکہ ورثے کا تحفظ کرنا ہے، انہوں نے زور دیا کہ یکجہتی کا مطلب یکسانیت نہیں بلکہ باہمی اعتراف اور مساوی وقار پر مبنی ہوتی ہے۔

صدر زرداری نے تعلیم اور روزمرہ زندگی میں مادری زبانوں کی عملی اہمیت کو بھی اجاگر کیا، انہوں نے کہا کہ جو بچہ گھر میں بولی جانے والی زبان میں تعلیم کا آغاز کرتا ہے، اس میں فکری صلاحیتوں کی بہتر نشوونما، اسباق کی بہتر سمجھ، اعتماد میں اضافہ اور تعلیم جاری رکھنے کے امکانات زیادہ ہوتے ہیں، اس کے برعکس اگر تعلیم کسی اجنبی زبان میں دی جائے تو سیکھنے میں خلا پیدا ہوتا ہے اور ابتدائی جماعتوں میں ڈراپ آؤٹ کی شرح بڑھ جاتی ہے۔

مشہور خبریں۔

یہ عدالت کی عزت کا سوال ہے:جسٹس جواد حسن

?️ 29 اپریل 2022لاہور(سچ خبریں) یہ عدالت کی عزت کا سوال ہے، کسی کی جرات نہیں ہونی

ایرانی سپریم لیڈر کے بیان کی عالمی میڈیا میں وسیع کوریج

?️ 1 فروری 2026ایرانی سپریم لیڈر کے بیان کی عالمی میڈیا میں وسیع کوریج ایران

اسرائیل کے ساتھ تعلقات کو معمول پر لانے کے لیے ریاض کی شرط

?️ 11 نومبر 2025سچ خبریں: خبر رساں ادارے رائٹرز کی ایک رپورٹ کے مطابق، سعودی عرب

 بندرگاہوں کے مقابلے میں بندرگاہوں کا نیا معادلہ اور ٹرمپ کی ناکام حکمت عملی

?️ 14 اپریل 2026سچ خبریں:تجزیے کے مطابق آبنائے ہرمز میں ایران نے بندرگاہوں کے مقابل

مسجد اقصیٰ کو آگ لگانے کی 51 ویں سالگرہ، حماس نے فلسطینی قوم سے اہم اپیل کردی

?️ 20 اگست 2021مقبوضہ بیت المقدس (سچ خبریں) 21 اگست سنہ 1969 تاریخ اسلام کا

افغان طالبان کی وزارت دفاع کا وانا میں کامیاب ڈرون حملے کا دعوی بے نقاب

?️ 15 مارچ 2026اسلام آباد (سچ خبریں) وزارت اطلاعات نے افغان طالبان رجیم کے جھوٹے

موسمیاتی تبدیلی، توانائی کے بھاری درآمدی بل سے نمٹنے کیلئے چین کو سولر پارکس میں سرمایہ کاری کی دعوت

?️ 17 اکتوبر 2023اسلام آباد: (سچ خبریں) نگران وزیراعظم انوار الحق کاکڑ نے موسمیاتی تبدیلیوں

بھارت پاکستان میں چینی شہریوں کو نشانہ بنا رہا ہے

?️ 18 جولائی 2021اسلام آباد (سچ خبریں) تفصیلات کےمطابق وفاقی وزیر اطلاعات فواد چوہدری نے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے