سیکورٹی فورسز کی جانب سے جنوبی وزیرستان میں آپریشن کیا گیا

?️ 29 ستمبر 2021

راولپنڈی (سچ خبریں)  پاک فوج کے شعبہ تعلقات عامہ آئی ایس پی آر کی جانب سے فراہم کردہ تفصیلات کے مطابق خفیہ اطلاعات موصول ہونے پر سیکورٹی فورسز کی جانب سے جنوبی وزیرستان میں آپریشن کیا گیا۔ آپریشن کے دوران دہشت گردوں اور سیکورٹی اہلکاروں کے درمیان شدید فائرنگ کا تبادلہ ہوا۔

مزید بتایا گیا ہے کہ ہلاک ہونے والوں میں 4 خطرناک دہشت گرد کمانڈرز بھی شامل ہیں۔ جبکہ خفیہ اطلاعات کی بنیاد پر کیے گئے آپریشن کے دوران بھاری اسلحہ و گولہ بارود بھی برآمد کیا گیا۔ بتایا گیا ہے کہ ہلاک کیے گئے دہشت گرد معصوم لوگوں کو نشانہ بنانے میں ملوث رہ چکے تھے۔ دہشت گردوں کی جانب سے کئی معصوم لوگوں کی ٹارگٹ کلنگ کی گئی، جبکہ یہ دہشت گرد جنوبی وزیرستان میں دہشت گردی کی مزید کاروائیوں کی منصوبہ بندی بھی کر رہے تھے۔ آئی ایس پی آر کے مطابق پاک فوج ہر قیمت پر وطن عزیز سے دہشت گردی کی لعنت کے خاتمے کیلئے پرعزم ہے۔