سیاسی اختلاف کا احترام کرتی ہوں، آج ایک ہونا ہوگا۔ مشعال ملک

?️ 5 اگست 2025

کراچی (سچ خبریں) حریت رہنما یاسین ملک کی اہلیہ مشعال ملک نے کہا ہے کہ سیاسی اختلاف کا احترام کرتی ہوں، آج ایک ہونا ہوگا۔

تفصیلات کے مطابق میڈیا سے گفتگو کرتے ہوئے مشعال ملک نے کہا کہ بھارت نے 2019 میں کشمیریوں کے ڈیتھ وارنٹ نکالے۔ قائداعظم نے کشمیر کو شہہ رگ کہا تھا۔ مشعال ملک نے کہا کہ یاسین ملک کو پھانسی دینے کی سازش کی جا رہی ہے، ہم کشمیریوں کو پتہ ہے کہ آزادی کی قیمت کیا ہوتی ہے، آج وہی مودی وہی آر ایس ایس ہے جس نے گاندھی کو قتل کیا۔

ذرائع کے مطابق انہوں نے کہا کہ پہلگام میں بھی بغیر کسی ثبوت کے پاکستان پر الزام لگایا گیا، بھارت فالس فلیگ آپریشنز کرتا رہتا ہے، مختلف ممالک میں بھارت کے دہشتگرد نیٹ ورک پکڑے جاتے ہیں۔ مشعال ملک کا کہنا تھا کہ مودی کو ہر آزادی پسند کو دہشتگرد قرار دینے کا شوق ہے، 50 لاکھ بھارتیوں کو مقبوضہ کشمیر کا ڈومیسائل بنا کر دے رہے ہیں۔

مشعال ملک نے کہا کہ معرکہ حق میں اللّٰہ نے پاکستان کو کامیابی دی، پاکستان میں دہشتگردی میں بھارت کا ہاتھ ہے، فیلڈ مارشل نے ایران اسرائیل سیز فائر میں کردار ادا کیا۔