?️
خیبرپختونخوا: (سچ خبریں) صوبہ خیبرپختونخوا میں ڈینگی کے 476 نئے انفیکشن ریکارڈ کیے گئے ہیں، جو اس سال اب تک ایک ہی دن کے کیسز کی سب سے بڑی تعداد ہے۔
میڈیا رپورٹس کے مطابق صحت عامہ کے ماہرین کا کہنا ہے کہ انفیکشن میں اضافے کی وجوہات پہلے ہی معلوم ہیں، جن میں کمیونٹی کی سطح پر آگاہی اور لاروا کے خاتمے کے لیے لائن ڈپارٹمنٹس کے درمیان ہم آہنگی کا فقدان شامل ہے، جس کے نتیجے میں 18 شدید خطرے، 25 درمیانی خطرے اور 175 کم خطرے والی یونین کونسلز میں مچھروں کی افزائش ہو رہی ہے۔
ہفتہ کے روز صوبہ بھر میں ڈینگی کے انفیکشن کی کُل تعداد 8 ہزار961 ہوگئی جو کہ اگست اور جولائی میں بالترتیب ایک ہزار 532 اور 103 ریکارڈ کی گئی تھی۔
ڈائریکٹوریٹ جنرل ہیلتھ سروسز، خیبر پختونخوا میں انٹیگریٹڈ ڈیزیز سرویلنس اینڈ رسپانس سسٹم کی تیار کردہ ایک رپورٹ کے مطابق ڈینگی سے متاثرہ 6 ہزار 921 مریض صحت یاب ہوچکے ہیں اور اس وقت زیر علاج مریضوں کی تعداد 2 ہزار 31 ہے۔
رپورٹ میں کہا گیا کہ مزید 44 مریضوں کو ہسپتالوں میں داخل کیا گیا ہے، جس سے ہسپتال میں داخل ہونے والوں کی کُل تعداد اب تک ایک ہزار 80 ہوگئی ہے اور اس وقت 104 مریض مختلف ہسپتالوں میں زیر علاج ہیں۔
ذرائع کے مطابق ڈینگی ایکشن پلان (ڈی اے پی) 2022 کے تحت 19 لائن محکموں کے درمیان ہم آہنگی کے فقدان کی وجہ سے محکمہ صحت کو ہاٹ اسپاٹ علاقوں میں لاروا ختم کرنے کے لیے مشکلات کا سامنا کرنا پڑ رہا ہے۔
محکمے کے مطابق 2017 میں 0.28 فیصد کیسز کی شرح اموات کے ساتھ 24 ہزار 938 کیسز اور 70 اموات رپورٹ ہوئی تھیں اور مجموعی مریضوں میں سے 94.3 فیصد کے ساتھ پشاور سب سے زیادہ متاثر ہوا تھا۔
اس کے دو سال بعد 2019 میں 7 ہزار 83 کیسز سامنے آئے تھے تاہم کوئی موت رپورٹ نہیں ہوئی تھی۔
سال 2020 میں مجموعی طور پر ڈینگی وائرس سے 10 ہزار 617 افراد متاثر ہوئے جن میں سے 10 کی موت ہوگئی۔
صحت عامہ کے ماہرین کا کہنا ہے کہ صورتحال 2017 کی طرح ہوسکتی ہے جہاں مریضوں کو ہسپتالوں میں جگہ نہیں ملتی تھی۔
انہوں نے کہا کہ گزشتہ 24 گھنٹوں کے دوران 219 انفیکشنز کے ساتھ پشاور میں اب تک 3 ہزار 3 کیسز (کُل مریضوں کا 33.51 فیصد) رپورٹ ہوچکے ہیں۔
مردان میں 2337، خیبر میں 839، نوشہرہ میں 603، ہری پور میں 507، لوئر دیر میں 327، کوہاٹ میں 245، چارسدہ میں 237، صوابی میں 170، مالاکنڈ میں 146 اور ڈیرہ اسمٰعیل خان میں 112 مریض رپورٹ ہوئے ہیں۔
اس سال خیبر میں 4، نوشہرہ میں 2 اور مانسہرہ اور مردان میں ایک، ایک مریض سمیت 8 مریض ڈینگی سے جاں بحق ہوچکے ہیں۔
یہ وائرس مچھر کے کاٹنے کے بعد منتقل ہوتا ہے اور بجلی اور پانی کی سپلائی میں خلل کے باعث لوگ اس کے خطرے سے زیادہ دوچار رہتے ہیں۔
مشہور خبریں۔
نسل پرستی جیت گئی انصاف ہار گیا
?️ 14 فروری 2021سچ خبریں:متعدد امریکی ماہرین اور ممتاز شخصیات نے سینیٹ میں سابق امریکی
فروری
الازہر کا گزشتہ شب رفح میں صیہونی جارحیت پر ردعمل
?️ 28 مئی 2024سچ خبریں: مصر کے جامعۃ الازہر نے گزشتہ شب غزہ کی پٹی
مئی
پاکستان کے سابق وزیر اطلاعات کا آیت اللہ خامنہ ای کے امریکی طلباء نے نام خط پر ردعمل
?️ 3 جون 2024سچ خبریں:پاکستان کے سابق وزیر اطلاعات نے فلسطین کی حمایت میں اسلامی
جون
اقوام متحدہ نے میانمار کی عدالت کے فیصلے پر کی تنقید
?️ 7 دسمبر 2021سچ خبریں: اقوام متحدہ کے انسانی حقوق کے ہائی کمشنر مشیل بیچلیٹ
دسمبر
ایران میں اسلامی انقلاب کی سالگرہ اور انگریزی میڈیا
?️ 12 فروری 2025 سچ خبریں:ایران میں اسلامی انقلاب کی چھالیسویں سالگرہ کے موقع پر
فروری
صیہونی کابینہ میں مزید اختلافات
?️ 24 مارچ 2025 سچ خبریں:صیہونی حکومت کے اندرونی اختلافات مزید گہرے ہو گئے ہیں،
مارچ
برطانیہ اور آئرلینڈ کے مصنفین کی غزہ میں جاری نسل کشی پر بھرپور آواز بلند
?️ 29 مئی 2025سچ خبریں: برطانیہ اور آئرلینڈ کے تقریباً 380 ممتاز مصنفین اور ادبی
مئی
پی ٹی آئی پر پابندی کے اغراض و مقاصد
?️ 17 جولائی 2024سچ خبریں: وزیر اعظم شہباز شریف نے چند ہفتے قبل قومی اسمبلی
جولائی