جماعت اسلامی کا 16مئی کو ’کسان کش پالیسیوں‘ کیخلاف لاہور میں پر امن احتجاج کا اعلان

?️

لاہور: (سچ خبریں) جماعت اسلامی پاکستان نے حکومت کے گندم سے متعلق اقدامات پر 16 مئی کو ’زراعت، کسان کش پالیسیوں‘ کے خلاف لاہور میں پر امن احتجاج کا اعلان کردیا۔

نائب امیر جماعت اسلامی لیاقت بلوچ نے کہا کہ وفاق ،پنجاب ،سندھ اور بلوچستان میں فارم47والی حکومتیں ناکام ہیں۔

انہوں نے کہا کہ گندم بحران پیدا کرنے میں پاکستان ڈیموکریٹک موومنٹ ( پی ڈی ایم) کی سابقہ حکومت، نگران حکومت اور موجودہ حکومت برابر شریک ہیں۔

انہوں نے اعلان کیا کہ جماعت اسلامی حکومت کے گندم سے متعلق اقدامات پر 16 مئی کو ’زراعت، کسان کش پالیسیوں‘ کے خلاف لاہور میں پر امن احتجاج کرے گی۔

واضح رہے کہ ملک بالخصوص پنجاب میں ان دنوں حکومت کی جانب سے کسانوں سے گندم نہ خریدے جانے کے باعث کسان سراپا احتجاج ہیں۔

29 اپریل کو گندم خریداری کے حوالے سے مسائل کے خلاف کسانوں کی جانب سے پنجاب اسمبلی کے باہر احتجاج کے اعلان کے بعد کسان بورڈ کے صدر رشید منہالہ سمیت 30 سے زائد کسانوں کو گرفتار کرلیا گیا تھا۔

کسانوں کے احتجاج اور اپنے دعوے کے کئی روز بعد حکومت پنجاب گندم کی خریداری پر واضح پالیسی نہیں دے سکی تھی۔

حکومتی اراکین کی جانب سے گندم کے اس بحران کا ذمہ دار نگران حکومت کی جانب سے ضرورت سے زیادہ گندم درآمد کرنے کو قرار دیا جارہا تھا۔

2 مئی کو گندم کے بحران پر سیکریٹری قومی غذائی تحفظ اور تحقیق محمد آصف کو عہدے سے ہٹا دیا گیا تھا۔

وزیر اعظم شہباز شریف نے گندم بحران پر نوٹس لیتے ہوئے سیکریٹری فوڈ سیکیورٹی محمد آصف کو عہدے سے ہٹایا تھا، اس سلسلے میں کابینہ ڈویژن نے نوٹی فکیشن بھی جاری کردیا تھا، اس کے علاوہ 2 روز قبل گندم خریداری کے عمل میں غفلت برتنے اور ٹیکنالوجی کے استعمال کی ہدایات پر عمل نہ کرنے پر وزیراعظم شہباز شریف نے پاکستان ایگری کلچرل اسٹوریج اور سروسز کارپوریشن (پاسکو) کے منیجنگ ڈائریکٹر،جنرل مینیجر پروکیورمنٹ کو معطل کرنے کی ہدایت کردی تھی۔

مشہور خبریں۔

پی ٹی آئی پر پابندی لگائی گئی تو کیا ہوگا؟؛ بیرسٹر سیف کی زبانی

?️ 24 جولائی 2024سچ خبریں: خیبرپختونخوا کے مشیر اطلاعات بیرسٹر محمد علی سیف نے کہا

فلسطین کی “ڈیجیٹل نسل کشی”: کمپنی “میٹا” پر سنگین الزامات

?️ 13 جون 2026سچ خبریں: تازہ ترین تحقیقات میں انکشاف ہوا ہے کہ امریکی ٹیکنالوجی

حکومتی آفیشلز میں کوئی ایسا نہیں جو کہے ہم عافیہ کے وکیل کے ساتھ ہیں: اسلام آباد ہائیکورٹ

?️ 2 ستمبر 2024اسلام آباد: (سچ خبریں) اسلام آبادہائیکورٹ نے عافیہ صدیقی کیس میں کہا

بریکس میں مصنوعی ذہانت: موقع یا خطرہ، تعاون یا مقابلہ؟

?️ 18 دسمبر 2025سچ خبریں:بریکس ممالک میں مصنوعی ذہانت کی ترقی کے حوالے سے چیلنجز

پاک افغان سرحد پر خوراج کی دراندازی کی کوشش ناکام، فائرنگ کے تبادلے میں 8 دہشتگرد ہلاک

?️ 6 اپریل 2025شمالی وزیرستان: (سچ خبریں) سیکیورٹی فورسز نے خیبرپختونخوا کے ضلع شمالی وزیرستان

وینزویلا پر حملے میں 150 سے زائد طیاروں نے حصہ لیا:امریکہ

?️ 4 جنوری 2026 وینزویلا پر حملے میں 150 سے زائد طیاروں نے حصہ لیا:امریکہ

شہید ہنیہ؛ قتل سے لے کر طوفان الاقصیٰ تک

?️ 6 اگست 2024سچ خبریں: صیہونی تحقیقاتی صحافی رونین برگمین نے اپنی کتاب رائز اینڈ کل

پاکستان کے مفتی اعظم نے ایران کے ردعمل کی تعریف کی اور اسرائیل کے خلاف مسلم اتحاد پر زور دیا

?️ 17 جون 2025سچ خبریں: پاکستان کے مفتی اعظم نے صیہونی حکومت کی جارحیت کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے