بلوچستان میں ٹورازم کے فروغ کے وسیع مواقع موجود ہیں۔ سرفراز بگٹی

?️ 10 اکتوبر 2025

کوئٹہ (سچ خبریں) وزیراعلی میر سرفراز بگٹی نے کہا ہے کہ بلوچستان میں ٹورازم کے فروغ کے وسیع مواقع موجود ہیں۔

وزیراعلی بلوچستان میر سرفراز بگٹی نے بلوچستان گرینڈ ٹورازم فیسٹیول کی افتتاحی تقریب میں شرکت کی اور کہا کہ فیسٹیول کے انعقاد پر بلوچستان کے لوگوں کو مبارکباد دیتا ہوں۔

میڈیا سے بات چیت کرتے ہوئے وزیر اعلیٰ میر سرفراز بگٹی کا کہنا تھا کہ کامیاب پروگرام کے انعقاد پر کلچر ڈیپارٹمنٹ، پارلیمانی سیکرٹری زرین خان مگسی، سیکرٹری ثقافت کی کاوشوں کو سراہتا ہوں۔

انہوں نے کہا کہ فیسٹیول میں بلوچستان کا پازیٹو امیج پورے پاکستان کے لوگوں کو دکھایا گیا، فیسٹیول میں ہماری تاریخ اور کلچر کو بہتر طور پر اجاگر کیا گیا۔

میر سرفراز بگٹی کا کہنا تھا کہ پبلک پرائیویٹ پارٹنرشپ کے تحت بلوچستان میں سرمایہ کاری کی دعوت دیتے ہیں، بلوچستان کے ساحل، پہاڑ ٹورازم سائٹس اور مہمان نوازی آپ کو خوش آمدید کہتے ہیں۔