آج پولیس نے غلط روکا تو پی ٹی آئی کل عدالت میں درخواست دائر کرے۔ رانا ثناءاللہ

?️ 12 اگست 2025

اسلام آباد (سچ خبریں) وزیرِ اعظم شہباز شریف کے مشیر برائے سیاسی اُمور رانا ثناء اللّٰہ کا کہنا ہے کہ بانی سے ملاقات نہیں ہو رہی تو پی ٹی آئی توہینِ عدالت کی درخواست دائر کیوں نہیں کرتی؟ آج پولیس نے غلط روکا ہے تو پی ٹی آئی کل عدالت میں درخواست دائر کرے۔

تفصیلات کے مطابق رانا ثناءاللّٰہ نے کہا ہے کہ جیل حکام کہتے ہیں کہ بانیٔ پی ٹی آئی کی ملاقات کے لیے عدالتی احکامات کے مطابق ہر سہولت دینے کے لیے تیار ہیں۔

ذرائع کے مطابق انہوں نے مزید کہا کہ ہائی کورٹ میں درخواست دینے پر بانیٔ پی ٹی آئی کومتعدد سہولتیں ملیں، پی ٹی آئی کو کوئی مشکلات ہیں تو آئیں بتائیں۔

وزیرِ اعظم شہباز شریف کے مشیر برائے سیاسی اُمور رانا ثناء اللّٰہ نے یہ بھی کہا ہے کہ پی ٹی آئی رہنماؤں کو سزاؤں کے خلاف اپیل کا حق حاصل ہے، ہم نے بھی سزاؤں کے خلاف اپیلیں کیں اور ریلیف ملا۔