اسحاق ڈار وزرائے خارجہ کونسل اجلاس میں شرکت کیلئے چین روانہ ہوگئے

?️ 13 جولائی 2025

اسلام آباد (سچ خبریں) وزیر خارجہ اسحاق ڈار شنگھائی تعاون تنظیم ( ایس سی او ) کے وزرائے خارجہ کونسل اجلاس میں شرکت کے لیے چین روانہ ہوں گے۔

ترجمان دفتر خارجہ کے مطابق وزیرخارجہ اسحاق ڈار شنگھائی تعاون تنظیم ( ایس سی او ) کے چین میں ہونے والے وزرائے خارجہ کونسل اجلاس میں شرکت کریں گے، انہیں چینی ہم منصب نے ایس سی او اجلاس میں شرکت کی دعوت دی ہے۔

دفتر خارجہ کا کہنا تھا کہ ایس سی او وزرائے خارجہ کونسل اجلاس 14تا 16 جولائی چین میں ہوگا، جس میں پاکستان، چین، بھارت، ایران، روس سمیت تمام رکن ممالک شرکت کریں گے۔

ترجمان کا مزید کہنا تھا کہ وزیر اسحاق ڈار بیلاروس تنظیم کے رکن کے طور پر پہلی بار وزرائے خارجہ کونسل اجلاس میں شرکت کرے گا، اجلاس میں عالمی مسائل، شنگھائی تعاون تنظیم کی خارجہ اور سکیورٹی پالیسیز پر بات ہوگی۔