آج 9واں وارنٹ نکلا ہے، کس کس عدالت جاکر ضمانت کروائیں؟ جب انہوں نے جیل میں ڈالنا ہوگا ڈال دیں گے۔ علیمہ خان

?️ 11 نومبر 2025

راولپنڈی (سچ خبریں) بانی پی ٹی آئی کی ہمشیرہ علیمہ خان کا کہنا ہے آج 9واں وارنٹ نکلا ہے ہم کس کس عدالت میں جاکر ضمانت کروائیں؟ ضمانت بھی انہوں نے نہیں دینی، جب انہوں نے جیل میں ڈالنا ہوگا ڈال دیں گے۔

میڈیا سے گفتگو کرتے ہوئے انہوں نے کہا ترامیم میں سب دیکھ رہے ہیں کیا ہو رہا ہے۔ ہر پاکستانی کو شرم سے سر جھکا لینا چاہئے کہ ہم کیا کچھ برداشت کررہے ہیں۔ اگر ہم یہ برداشت کرتے گئے تو اس سے بھی زیادہ برا ہوگا۔ عمران خان یہی کہتا ہے جب آپ ظلم برداشت کرتے جائینگے تو ظلم بڑھے گا۔