چیٹ جی پی ٹی میں میٹنگ ریکارڈنگ اور آن لائن فائلز تک رسائی کی نئی سہولت متعارف

?️

سچ خبریں: مصنوعی ذہانت کی دنیا میں روز بروز نئی تبدیلیاں رونما ہو رہی ہیں، اور اب اوپن اے آئی نے ایک بار پھر چیٹ جی پی ٹی میں ایک ایسی سہولتیں متعارف کروا دی ہیں جو کاروباری افراد اور دفاتر میں کام کرنے والوں کے لیے نہایت مفید ثابت ہو سکتی ہیں۔

ٹیکنالوجی ویب سائٹ کے مطابق چیٹ جی پی ٹی میں دو بڑی سہولتوں کا اضافہ کیا گیا ہے، جن میں میٹنگ ریکارڈنگ اور کلاؤڈ میں فائل شیئرنگ کی سہولت شامل ہے۔

اب چیٹ جی پی ٹی کے ذریعے نہ صرف میٹنگ ریکارڈ کی جاسکتی ہے بلکہ اس کی مکمل تفصیل خودکار انداز میں تحریری شکل میں بھی حاصل کی جاسکتی ہے۔

اس نئی سہولت کی مدد سے چیٹ جی پی ٹی میٹنگز، برین اسٹورمنگ سیشنز یا ذاتی نوٹس کو ریکارڈ کرتا ہے اور پھر ان کا خلاصہ اور اہم نکات تیار کرکے فراہم کرتا ہے۔

اگر آپ میٹنگ کے دوران کسی بات کو نوٹ کرنا بھول جائیں، تو اب پریشان ہونے کی ضرورت نہیں، چیٹ جی پی ٹی خود ہی ہر ضروری بات کا خلاصہ تیار کرکے آپ کو فراہم کرے گا، جسے آپ اپنی ٹیم کے ساتھ شیئر بھی کرسکتے ہیں۔

اوپن اے آئی نے چیٹ جی پی ٹی میں ایک اور بڑی سہولت شامل کی ہے، جو کلاؤڈ میں فائل شیئرنگ کی سہولت ہے، اب چیٹ جی پی ٹی گوگل ڈرائیو، ڈراپ باکس، باکس، شیئرپوائنٹ اور ون ڈرائیو جیسی سروسز سے براہ راست منسلک ہوسکتا ہے۔

یعنی اگر آپ کے پاس کوئی دستاویز یا اسپریڈشیٹ گوگل ڈرائیو میں موجود ہے، تو آپ چیٹ جی پی ٹی سے کہہ سکتے ہیں کہ وہ اس فائل کو کھولے اور اس سے معلومات حاصل کرے، چیٹ جی پی ٹی ان فائلوں کو پڑھ کر خلاصہ، نکات یا ڈیٹا کا تجزیہ پیش کرسکتا ہے۔

اس سہولت کی بدولت اب فائلیں الگ سے کھولنے اور پڑھنے کی ضرورت نہیں، بس سوال کریں اور مطلوبہ جواب حاصل کریں۔

یہ دونوں خصوصیات فی الحال چیٹ جی پی ٹی ٹیم اور انٹرپرائز ورژن کے صارفین کے لیے دستیاب ہیں، چیٹ جی پی ٹی ٹیم کی قیمت ماہانہ 25 ڈالر فی صارف ہے جبکہ انٹرپرائز ورژن بڑی کمپنیوں کے لیے حسبِ ضرورت دستیاب ہوتا ہے۔

مشہور خبریں۔

حماس کے سیاسی سربراہ شہید اسماعیل ہنیہ کون تھے؟

?️ 31 جولائی 2024سچ خبریں: اسماعیل ہنیہ فلسطین کے سابق وزیراعظم، حماس کے سیاسی سربراہ

غیر ملکی کمپنیاں ابوظہبی اور دبئی سے فرار

?️ 1 فروری 2022سچ خبریں:  پیر کے روز جس وقت یمنی انقلابیوں نے متحدہ عرب

صدر مملکت نے اسلامی نظریاتی کونسل میں تقرریوں کی منظوری دے دی

?️ 16 اپریل 2021اسلام آباد(سچ خبریں) صدر مملکت عارف علوی نے اسلامی نظریاتی کونسل میں

نادرا کا چہرے کی شناخت کی ٹیکنالوجی متعارف کرانے کا اعلان

?️ 23 دسمبر 2024 اسلام آباد: (سچ خبریں) نیشنل ڈیٹابیس اینڈ رجسٹریشن اتھارٹی (نادرا) نے

صہیونیوں نے الشفا اسپتال سے 80 افراد کو اغوا کیا

?️ 19 مارچ 2024سچ خبریں:خبر رساں ذرائع نے اطلاع دی ہے کہ صہیونی فوج کے

امریکہ یوکرین بھیجنے کے لیے داعش کے جنگجوؤں کو بھرتی کرتا ہے: اسپوٹنک

?️ 1 جولائی 2022سچ خبریں:  اسپوٹنک خبر رساں ایجنسی نے آج سہ پہر ایک حوالے

امریکہ میں بائیڈن کی مقبولیت میں 33 فیصد تک کمی

?️ 14 جنوری 2022سچ خبریں:ریاستہائے متحدہ میں کیے جانے والے ایک حالیہ سروے سے پتہ

اسمبلیوں کی تحلیل روکنے کے لیے پی ڈی ایم کا مختلف آپشنز پر غور

?️ 19 دسمبر 2022لاہور:(سچ خبریں) پنجاب اور خیبرپختونخوا اسمبلیوں کو تحلیل ہونے سے روکنے کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے