صیہونی وزراء کو جان کے لالے پڑے ہوئے ہیں :صیہونی میڈیا

?️ 31 مارچ 2026

سچ خبریں:صہیونی میڈیا کے مطابق حزب اللہ اور ایران کے میزائل حملوں کے بعد صیہونی وزراء کی سیکیورٹی خطرے میں، حساس علاقوں کے دورے محدود، کنست کا اجلاس بھی معطل۔

صہیونی میڈیا نے انکشاف کیا ہے کہ صیہونی کابینہ کے وزراء کی جان کو بڑھتے ہوئے سیکیورٹی خطرات لاحق ہیں، جس کے بعد ان کی نقل و حرکت پر پابندیاں عائد کر دی گئی ہیں۔

رپورٹ کے مطابق، الجزیرہ نے صہیونی ٹی وی چینل چینل 15 اسرائیل کے حوالے سے بتایا کہ حزب اللہ کے حملوں کے دوبارہ آغاز کے وقت ایک صیہونی وزیر شمالی علاقوں کے دورے کے دوران میزائل حملے میں بال بال بچ گیا۔

رپورٹ میں کہا گیا کہ یہ واقعہ جنگ شروع ہونے کے تقریباً ایک ماہ بعد منظر عام پر لایا گیا، جب میزائل حملوں میں شدت آ چکی تھی۔ ایک سیکیورٹی اہلکار کے مطابق، اس واقعے میں وزیر کی جان براہِ راست خطرے میں تھی۔

اس کے بعد سیکیورٹی حکام نے احتیاطی اقدامات کے طور پر وزراء کی نقل و حرکت محدود کر دی ہے اور انہیں حساس علاقوں کے دوروں سے روک دیا گیا ہے تاکہ ان کی حفاظت کو یقینی بنایا جا سکے۔

دریں اثنا، ایک اورصورتحال میں صہیونی میڈیا نے رپورٹ دی ہے کہ صیہونی پارلیمنٹ کا اجلاس اس وقت معطل کر دیا گیا جب یروشلم میں ایرانی میزائل حملے کے بعد خطرے کے سائرن بج اٹھے۔

اس وقت اراکین پارلیمنٹ سالانہ بجٹ پر اجلاس کر رہے تھے، تاہم سائرن بجتے ہی تمام اراکین پناہ گاہوں کی طرف منتقل ہو گئے اور صورتحال معمول پر آنے تک اجلاس روک دیا گیا۔