مغربی ممالک شام کی خود مختاری کا احترام کریں: بسام صباغ

مغربی ممالک شام کی خود مختاری کا احترام کریں: بسام صباغ

?️

جنیوا (سچ خبریں)  اقوام متحدہ کی سلامتی کونسل نے ترکی کیجانب سے شام میں قابض دہشتگردوں کے زیر کنٹرل واحد سرحدی گذرگاہ "باب الہوی” کے ذریعے ارسال کی جانے والی اقوام متحدہ کی انسانی امداد میں ایک سال کی توسیع کر دی ہے۔

تفصیلات کے مطابق شام کے مستقل نمائندے بسام صباغ نے کہا کہ سلامتی کونسل کے مسودے پر رائے شماری کے بعد، روسی، چینی اور دیگر وفود نے انسانی صورتحال کو بہتر بنانے اور شام کے اندر محتاج افراد کو مدد فراہم کرنے کے اہم پہلوؤں پر کام کرنے کے طریقہ کار کے بارے میں کوشش کی۔

انہوں نے مزید کہا کہ وفود نے اس بات پر بھی زور دیا کہ انسانیت کی بنا پر کی جانے والی سرگرمیاں متاثرہ لوگوں کو ہنگامی ضروریات کی فراہمی کے مقابلے میں وسیع تر ہیں اور ان میں پناہ گزینوں اور داخلی طور پر بے گھر افراد کی واپسی کے لئے پانی ، صحت ، تعلیم اور پناہ گاہوں کے منصوبوں کے ذریعے بنیادی خدمات کے لئے تعاون شامل ہونا چاہئے۔

واضح رہے کہ اقوام متحدہ کی سلامتی کونسل نے جمعے کے روز شام کو ارسال کی جانے والی انسانی امداد میں اکثریت آراء کے ساتھ 12 ماہ کی توسیع کر دی ہے۔

شام کو یہ انسانی امداد وہاں قابض بین الاقوامی دہشتگردوں کے زیر تسلط واحد سرحدی گذرگاہ  باب الہوی کے ذریعے، جو ادلب میں واقع ہے، ترکی کی وساطت سے بھیجی جاتی ہے جس میں شامی حکومت کو کسی قسم کی مداخلت کا حق حاصل نہیں جبکہ سلامتی کونسل میں منظور ہونے والی یہ قرارداد روس و امریکہ کی باہمی مفاہمت کے بعد پیش کی گئی جو بعد ازاں تمام اراکین کی مثبت رائے کے ساتھ منظور کرلی گئی۔

اس حوالے سے منعقد ہونے والے سلامتی کونسل کے اجلاس سے چین کے مستقل نمائندے نے شامی عوام کی امداد سمیت تمام معاملات میں شامی حکومت کے حق حاکمیت کا احترام بجا لانے کا مطالبہ کرتے ہوئے تاکید کی ہے کہ سلامتی کونسل کے تمام اراکین، شامی عوام کے درد و الم کو جلد از جلد کم کرنے کے لئے مکمل تعاون کریں۔

یاد رہے کہ شامی حکومت سال 2011ء سے داعش و القائدہ سمیت متعدد عالمی دہشتگرد تنظیموں کی جانب سے ملک پر مسلط وسیع جنگ کا مقابلہ کرنے کے ساتھ ساتھ امریکہ و یورپ کی جانب سے عائد کی گئی سخت ترین پابندیوں کا سامنا بھی کر رہی ہے جبکہ دنیا بھر میں پھیلے کورونا وائرس کے باعث وہاں انسانی صورتحال مزید ابتر ہو کر رہ گئی ہے۔

مشہور خبریں۔

پی ٹی آئی کی جانب سے چیف الیکشن کمشنر کے خلاف ریفرنس واپس

?️ 4 اگست 2022اسلام آباد: (سچ خبریں) پاکستان تحریک انصاف نے چیف الیکشن کمشنر کے خلاف ریفرنس واپس

کے الیکٹرک کو متعدد کمپنیوں میں بدلنے پر غور

?️ 31 مئی 2021اسلام آباد(سچ خبریں) وفاقی حکومت نے کے الیکٹرک کو متعدد کمپنیوں میں

آج ’ ’ یوم یکجہتی کشمیر“ جوش و خروش سے منایا جا رہا ہے

?️ 5 فروری 2025اسلام آباد: (سچ خبریں) آج پاکستان، آزاد جموں وکشمیر اور دنیا بھر

’اعظم سواتی کو کم از کم 7 سال اور زیادہ سے زیادہ عمر قید ہوسکتی ہے‘، تحریری فیصلہ جاری

?️ 22 دسمبر 2022اسلام آباد 🙁سچ خبریں) اسلام آباد کی خصوصی عدالت نے متنازع ٹوئٹ

رمضان المبارک میں مسجد الاقصی کے خلاف قابض اسرائیلی منصوبوں پر حماس کا انتباہ

?️ 26 فروری 2025سچ خبریں:حماس نے قابض اسرائیلی حکومت کی جانب سے ماہ رمضان میں

اسرائیل کو امریکی ناکام پالیسیوں پر عمل نہیں کرنا چاہیے:صیہونی تجزیہ کار

?️ 2 مارچ 2022سچ خبریں:ایک اسرائیلی تجزیہ کار نے تل ابیب حکومت کو مشورہ دیا

آئی ایم ایف معاہدہ بنیادی اصلاحات کرنے کا ایک اور موقع ہے، مفتاح اسمٰعیل

?️ 1 جولائی 2023اسلام آباد:(سچ خبریں) سابق وزیر خزانہ مفتاح اسمٰعیل نے پاکستان اور عالمی

مشرقی شام میں امریکی اڈے پر راکٹ حملے

?️ 4 ستمبر 2022سچ خبریں:    مقامی ذرائع نے مشرقی شام میں واقع صوبہ دیر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے