صہیونی فوج میں خودکشیوں کی لہر؛ ماہرین کا انتباہ

سچ خبریں:اسرائیلی میڈیا اور ماہرین نے خبردار کیا ہے کہ غزہ جنگ کے بعد صہیونی فوجیوں میں خودکشیوں کا ایک نیا اور سنگین سلسلہ شروع ہو چکا ہے، جس کے پیچھے نفسیاتی دباؤ، منشیات کا استعمال اور جنگی صدمات ہیں۔

رأی الیوم انٹر ریجنل اخبار کی رپورٹ کے مطابق اسرائیلی ذرائع ابلاغ اور تحقیقاتی اداروں نے صہیونی فوجیوں میں خودکشی کے خطرناک حد تک رجحان کی جانب اشارہ کیا ہے۔

یہ بھی پڑھیں: صہیونی فوج میں خودکشیوں کی تعداد میں تشویشناک اضافہ

رپورٹ کے مطابق، صہیونی میڈیا اور دفاعی محافل نے تنبیہ کی ہے کہ اسرائیلی افواج میں خودکشیوں کی ایک بڑی لہر جنم لے چکی ہے، جو نفسیاتی عدم استحکام اور جنگی صدمات کی علامت ہے۔

اس رپورٹ میں کہا گیا ہے کہ بہت سے فوجی گویا ٹائم بم بن چکے ہیں، جن کے پھٹنے کا وقت معلوم نہیں،اکثر خودکشی کرنے والے افراد، ریزرو (ذخیرہ) فورسز سے تعلق رکھتے ہیں جنہیں غزہ جنگ کے دوران دوبارہ طلب کیا گیا تھا۔

یوسی لیوی لاز آکادمی روبین کے تحت قائم خودکشی تحقیقاتی مرکز کے سربراہ نے کہا کہ ہم ایک بڑے خودکشی بحران کے دہانے پر کھڑے ہیں۔ جنگ غزہ میں شرکت اور اس کے بعد کے نفسیاتی اثرات فوجیوں کی ذہنی صحت کو تباہ کر رہے ہیں۔

ادھر مقبوضہ علاقوں کے منشیات کی روک تھام مرکز نے بھی تشویش ناک اعداد و شمار جاری کیے ہیں ،الکحل، نیند آور ادویات، اور دیگر نشہ آور مواد کے استعمال میں 25 فیصد اضافہ ریکارڈ کیا گیا ہے۔

مزید پڑھیں: صیہونی حکومت کی فوج میں خودکشی کا بحران

یہ سب کچھ اس بات کی طرف اشارہ کرتا ہے کہ اسرائیلی معاشرہ اور اس کی فوج ایک گہرے داخلی بحران کا سامنا کر رہی ہے، جس کی جڑیں ناکام جنگی پالیسیوں، عوامی بے یقینی اور مستقل دباؤ میں ہیں۔