امریکی عہدیدار کا طالبان کو ہیئت تحریرالشام کے نقش قدم پر چلنے کا مشورہ

🗓️ 25 دسمبر 2024

سچ خبریں:امریکہ کے سابق خصوصی نمائندہ برائے افغانستان نے طالبان کو ہیئت تحریرالشام سے سبق لینے کا مشورہ دیا۔

امریکہ کے سابق خصوصی نمائندہ برائے افغانستان، زلمی خلیلزاد نے طالبان کو مشورہ دیا ہے کہ وہ ہیئت تحریرالشام کے راستے سے سبق حاصل کریں اور اسی راہ پر چلیں۔

یہ بھی پڑھیں: امریکہ کی جانب سے تحریرالشام کو دہشت گرد گروپوں کی فہرست سے نکالے جانے کا امکان

یہ بیان اس وقت سامنے آیا جب امریکہ نے احمد الشرع (ہیئت تحریرالشام کے سربراہ) کی گرفتاری پر مقرر کردہ 10 ملین ڈالر کا انعام ختم کرنے کا اعلان کیا۔

زلمی خلیلزاد نے سوشل میڈیا پلیٹ فارم ایکس پر اپنے ایک پیغام میں لکھا کہ مریکہ نے ہیئت تحریرالشام کے رہنما کی گرفتاری پر مقرر کیے جانے والے انعام ختم کر دیا۔

انہوں نے کہا کہ دوسرے لوگ، جو ایسی ہی صورتحال میں ہیں، احمد الشرع سے سیکھ سکتے ہیں کہ کیسے بین الاقوامی نظام کا حصہ بنا جا سکتا ہے، کیا طالبان اس پر غور کریں گے؟

اس سے قبل، امریکی نائب وزیر خارجہ باربرا لیف نے تصدیق کی تھی کہ دمشق میں امریکی وفد کی ہیئت تحریرالشام کے رہنما سے ملاقات کے بعد انعام کی منسوخی کا فیصلہ کیا گیا۔

باربرا لیف نے وضاحت کرتے ہوئے کہا کہ احمد الشرع نے یقین دہانی کرائی ہے کہ وہ شام میں دہشت گرد گروہوں کو سرگرم ہونے یا امریکہ اور پڑوسی ممالک کو خطرہ پہنچانے کی اجازت نہیں دیں گے۔

مزید پڑھیں: القاعدہ کا سابقہ دھڑا تحریرالشام دمشق کا فاتح کیسے بنا؟

تاہم اس فیصلے پر سوالات اٹھ رہے ہیں کیونکہ تین سال سے زائد کا عرصہ گزرنے کے باوجود امریکہ نے طالبان رہنماؤں کی گرفتاری کے لیے مقرر کردہ انعامات کو ختم نہیں کیا ہے۔