ایران کے ساتھ مذاکرات کے بارے میں ٹرمپ کے معاون کا بیان

🗓️ 9 مئی 2025

سچ خبریں:امریکی صدر ڈونلڈ ٹرمپ کے معاون جی ڈی ونس نے ایران سے جاری مذاکرات کو مثبت قرار دیتے ہوئے کہا کہ ایران کو پرامن جوہری توانائی کی اجازت دی جا سکتی ہے، مگر جوہری ہتھیار ہرگز قابل قبول نہیں۔

امریکہ کے نائب صدر جی ڈی ونس نے ایران اور امریکہ کے درمیان جاری مذاکرات پر اپنے تازہ ترین مؤقف کا اظہار کرتے ہوئے کہا ہے کہ مذاکرات مثبت انداز میں آگے بڑھ رہے ہیں اور ایک ایسا معاہدہ ممکن ہے جس کے تحت ایران عالمی معیشت میں دوبارہ شامل ہو سکتا ہے۔

یہ بھی پڑھیں:ایران نے امریکہ کو بالواسطہ مذاکرات کی تجویز کیوں دی؟

الجزیرہ نیوز چینل کی رپورٹ کے مطابق جی ڈی ونس نے کہا ایران کے ساتھ مذاکرات اب تک اطمینان بخش رہے ہیں، ہمیں امید ہے کہ ایک ایسا معاہدہ طے پا سکتا ہے جس کے ذریعے ایران کو بین الاقوامی اقتصادی نظام میں واپس لایا جا سکے گا۔

انہوں نے مزید واضح کیا ایران کو پُرامن جوہری توانائی حاصل کرنے کا حق ہے، لیکن جوہری ہتھیار رکھنے کی کسی صورت اجازت نہیں دی جا سکتی۔

امریکی نائب صدر نے یہ بھی کہا کہ صدر ڈونلڈ ٹرمپ روس اور چین کے ساتھ ایٹمی اسلحے میں کمی سے متعلق بات چیت کے لیے بھی آمادہ ہیں۔

مزید پڑھیں:ایران امریکہ مذاکرات؛ 4 چیزوں پر ٹرمپ کا اتفاق

اپنے بیان میں انہوں نے یورپ کے دفاعی کردار پر زور دیتے ہوئے کہا یورپی ممالک کو اپنے دفاع کے لیے خود انحصار ہونا چاہیے۔ ہم آئندہ چند دنوں میں جرمن چانسلر کے ساتھ اس سلسلے میں مذاکرات کریں گے۔