صیہونی ریاست شدید بحرانوں اور ناکامیوں کی لپیٹ میں؛صہیونی اخبار کا اعتراف

صہیونی

?️

سچ خبریں:صہیونی اخبار کی رپورٹ میں انکشاف کیا گیا ہے کہ اسرائیل اپنی تاریخ کے بدترین دور سے گزر رہا ہے، جہاں سکیورٹی، معیشت، حکمرانی اور سماجی حالات میں مسلسل بگاڑ نے صورتحال کو فاجعہ خیز بنا دیا ہے۔

صہیونی اخبار نے اس بات کی طرف اشارہ کرتے ہوئے کہ صیہونی حکومت اپنے وجود کے اعلان کے بعد سے اب تک کے بدترین حالات میں ہے، لکھا ہے کہ اسرائیل میں بحرانوں اور ناکامیوں کی لہر تباہ کن شکل اختیار کر چکی ہے۔

یہ بھی پڑھیں:خانہ جنگی کے بارے میں اسرائیل کی تشویش

صہیونی حکومت کے تجزیہ کار اور ذرائع ابلاغ اپنی مختلف رپورٹس میں بدستور ان کثیر الجہتی بحرانوں کا جائزہ لے رہے ہیں جو اس حکومت کو درپیش ہیں۔

 اسی سلسلے میں صہیونی قلمکار افریم گانور نے اخبار معاریو میں ایک رپورٹ شائع کرتے ہوئے لکھا کہ صہیونی حکومت کی صورتحال قیام کے بعد سے اپنی کم ترین سطح پر پہنچ چکی ہے اور ہر شخص دو سالہ جنگ کے بعد اسرائیل کی بگڑتی ہوئی سکیورٹی صورتحال، حکمرانی کے فقدان، ذاتی تحفظ کے خاتمے اور حکومتی مجرمانہ طرزِ عمل کو واضح طور پر دیکھ سکتا ہے۔

انہوں نے واضح کیا کہ صہیونی حکام بڑھتی ہوئی مہنگائی، شمالی بستیوں اور غزہ کی پٹی کی عدم بحالی، تعلیمی حالات کی خرابی، اور ٹریفک حادثات میں بڑھتی ہوئی ہلاکتوں کے حوالے سے کوئی مناسب جواب دینے کے قابل نہیں ہیں۔

گانور نے اپنے کالم میں مزید کہا کہ یہ سب ایسے وقت میں ہو رہا ہے جب کابینہ اور اس کے سربراہ بنیامین نیتن یاہو سات اکتوبر کے واقعات کو جواز فراہم کرنے کے لیے شدت سے کوشش کر رہے ہیں اور مسلسل اس بات کی کوشش میں ہیں کہ تلمودی انتہاپسندوں کو فوجی خدمت سے بچایا جائے۔

کالم میں اس بات کی طرف بھی اشارہ کیا گیا کہ کابینہ اسرائیلی عوام کے بجٹ کو ضائع کر رہی ہے اور اسے اپنے داخلی رجحانات کے مطابق خرچ کر رہی ہے۔

اس ہولناک اور تشویشناک حقیقت کے سائے میں مصنف نے لکھا کہ مخالف دھڑوں کو سڑکوں پر آ کر عوامی رائے کو متحرک کرتے ہوئے ان حالات کا جواب دینا چاہیے، لیکن وہ بھی کمزور اور بے حس کارکردگی کا مظاہرہ کر رہے ہیں۔

مزید پڑھیں:اسرائیل میں کسی بھی لمحہ خانہ جنگی شروع ہوسکتی ہے:صیہونی تجزیہ کار

یہ صہیونی قلمکار مزید لکھتا ہے کہ یہ تمام حالات ہمیں ایک واضح اور تکلیف دہ نتیجے تک پہنچاتے ہیں اور وہ یہ ہے کہ اسرائیل کی ناکامی تباہ کن ہے، اسرائیلی معاشرہ اپنی ذاتی مصروفیات میں گم ہے اور اپنے اردگرد ہونے والی تبدیلیوں کو نظر انداز کر رہا ہے۔

مشہور خبریں۔

35 سال بعد شیخ اسیران جنین کی رہائی

?️ 30 مئی 2025سچ خبریں:فلسطینی مجاہد رائد سعدی المعروف شیخ اسیران جنین 35 سال بعد

عوام کو ریلیف نہ دے کر حکومت کیا کر رہی ہے؟نائب امیر جماعت اسلامی

?️ 4 اگست 2024سچ خبریں: جماعت اسلامی کے نائب امیر لیاقت بلوچ نے کہا ہے

تن من دھن سے ہر سطح پر پاکستان کا دفاع کریں گے: وزیر قانون

?️ 26 مئی 2021اسلام آباد(سچ خبریں) وفاقی وزیر قانون فروغ نسیم نے کہا ہے کہ

امریکہ الحشد الشعبی کو عراق میں اپنے مقاصد کی راہ میں رکاوٹ سمجھتا ہے؛ عراقی سیاستدان کا انکشاف

?️ 21 جون 2026سچ خبریں:عراقی سیاستدان علی الزبیدی کے مطابق امریکہ الحشد الشعبی کو کمزور

مقبوضہ کشمیر میں انسانی حقوق کی خلاف ورزیاں جاری ہیں: آرمی چیف

?️ 5 فروری 2022اسلام آباد (سچ خبریں) پاک فوج کے سربراہ جنرل قمر جاوید باجوہ

ایمانوئل میکرون کا بیجنگ کا بے نتیجہ دورہ

?️ 7 دسمبر 2025سچ خبریں: فرانسیسی صدر ایمانوئل میکرون کے حالیہ دورہ چین کو بین الاقوامی

وزارت خزانہ کی مہنگائی میں مزید کمی کی پیش گوئی

?️ 29 مئی 2024اسلام آباد: (سچ خبریں) وزارت خزانہ نے ماہانہ اقتصادی رپورٹ جاری کردی

کیا یحییٰ السنوار ہتھیار ڈالیں گے؟

?️ 8 فروری 2024سچ خبریں:غزہ کے بارے میں پیرس اجلاس کے منصوبے اور قیدیوں کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے