مصر کی میزائل اور ڈرون طاقت سے صیہونی حکومت خوفزدہ 

سچ خبریں:باخبر ذرائع نے مصری فوج کی میزائل اور ڈرون کی صلاحیتوں میں اضافے کے حوالے سے صیہونی حکومت کے خوف اور تشویش کی اطلاع دی ہے۔

انٹر ریجنل اخبار رائے الیوم کی رپورٹ کے مطابق اسرائیلی وزارت جنگ میں صہیونی مشیر پینٹاگون کو رپورٹیں پیش کر رہے ہیں جس سے ظاہر ہوتا ہے کہ وہ مصری فوج کی عسکری صلاحیتوں میں اضافے کی خاموشی سے نگرانی کر رہے ہیں۔

یہ بھی پڑھیں:اسرائیل کے دفاعی ادارے کے اربوں ڈالر کیسے ضائع ہوئے؟

واشنگٹن میں باخبر ذرائع نے اعلان کیا ہے کہ حالیہ عرصے کے دوران مصری فوج کے مبہم اور غیر یقینی اقدامات پر نظر رکھنے کے لیے صیہونی حکومت کی طرف سے امریکہ پر خفیہ دباؤ ڈالا جا رہا ہے۔

بند دروازوں کے پیچھے صیہونیوں نے تجویز پیش کی ہے کہ مصری مسلح افواج کے بعض رویے پر مزید نظر رکھنے کے لیے امریکہ اور صیہونی حکومت کے درمیان مشترکہ تعاون کو مضبوط کیا جائے۔

صہیونی حلقوں نے مصر کی طرف سے اپنی میزائل اور ڈرون صلاحیتوں کو آزادانہ طور پر اپ گریڈ کرنے یا روسی اور چینی ٹیکنالوجی کے استعمال پر بھی تشویش کا اظہار کیا ہے۔

مزید پڑھیں:اسرائیل شام اور مصر سمیت دیگر علاقوں پر قبضے کے خواب دیکھ رہا ہے:عبدالملک الحوثی

حال ہی میں عبرانی میڈیا میں مصر پر حملے کا منظر نامہ سامنے آنے کے بعد قاہرہ اور تل ابیب کے تعلقات میں تناؤ پیدا ہو گیا ہے۔