امریکہ کی ایران اور انصار اللہ کے خلاف تازہ ترین ہرزہ سرائی  

سچ خبریں:امریکی وزیر خارجہ مارکو روبیو نے ایران اور یمن کی انصار اللہ تحریک کے خلاف الزامات دہراتے ہوئے کہا ہے کہ امریکہ حوثیوں کو بحری جہازوں کی آمد و رفت پر کنٹرول حاصل کرنے نہیں دے گا اور ان کے حملوں کی صلاحیت مکمل طور پر ختم ہونے تک امریکی حملے جاری رہیں گے۔  

یہ بھی پڑھیں: یمن پر ایک بار پھر امریکی اور برطانوی حملے

الجزیرہ نیوز چینل کی رپورٹ کے مطابق، امریکی وزیر خارجہ نے کہا کہ ہم نے انصار اللہ کو نشانہ بنایا ہے، لیکن مجھے نہیں لگتا کہ ان کے خلاف زمینی کارروائی کی کوئی ضرورت ہے۔

مارکو روبیو نے مزید دعویٰ کیا کہ ہمارے حملوں کا مقصد ایران کو پیغام دینا تھا کہ وہ حوثیوں کی حمایت ترک کر دے، اگر ایران انصار اللہ کی حمایت جاری رکھتا ہے تو وہ ان کے حملوں کا براہ راست ذمہ دار ہوگا۔

انہوں نے مزید کہا کہ ایران حوثیوں کو اسلحہ اور انٹیلی جنس فراہم کر رہا ہے ، اگر اس کی حمایت نہ ہوتی تو حوثی ان حملوں کی صلاحیت نہ رکھتے۔

مزید پڑھیں:شمالی یمن پر امریکی اور برطانوی فضائی حملے

واضح رہے کہ اس سے قبل بھی امریکی مشیر قومی سلامتی اور وزیر دفاع ایران اور انصار اللہ کے خلاف اسی طرح کے بیانات دے چکے ہیں۔