صیہونی جیلوں میں فلسطینی خواتین قیدیوں کی حالت زار؛ بھوک، طبی غفلت اور بدسلوکی کا انکشاف

?️ 23 اپریل 2026

سچ خبریں:فلسطینی قیدیوں کے امور کی نگراں تنظیم کے مطابق صیہونی جیلوں میں 90 فلسطینی خواتین قید ہیں، جن میں حاملہ خاتون، صحافی اور کینسر کے مریض بھی شامل ہیں، جبکہ انہیں سخت حالات کا سامنا ہے۔

فلسطینی قیدیوں کے امور کی نگراں تنظیم نے اعلان کیا ہے کہ صیہونی جیلوں میں فلسطینی خواتین کی تعداد 90 تک پہنچ گئی ہے۔

الشروق نیوز ایجسنی کی رپورٹ کے مطابق فلسطینی قیدیوں کے کلب نے بتایا کہ صیہونی جیلوں میں قید فلسطینی خواتین کی تعداد 90 ہو چکی ہے۔

اس بیان میں اس تعداد میں نمایاں اضافے پر زور دیا گیا ہے اور یاد دہانی کرائی گئی ہے کہ یہ اضافہ مغربی کنارے میں صیہونی چھاپوں اور گرفتاریوں کے نتیجے میں ہوا، خاص طور پر اس عرصے کے دوران جب اسرائیل نے غزہ کی پٹی پر اپنے شدید حملے شروع کیے۔

بیان میں کہا گیا ہے کہ ان فلسطینی خواتین میں، جن کی بھاری اکثریت دیمون جیل میں رکھی گئی ہے، ایک تین ماہ کی حاملہ خاتون، 25 انتظامی قیدی، تین صحافی اور دو کینسر کے مریض شامل ہیں۔

فلسطینی قیدیوں کے امور کی نگراں تنظیم نے زور دے کر کہا کہ گرفتار خواتین کو سخت حراستی اور قیدی حالات کا سامنا ہے، جن میں بھوک، طبی سہولیات کی کمی، بدسلوکی، نیز تنہائی کی قید اور جسمانی تلاشی جیسے اقدامات شامل ہیں۔

رپورٹ میں مزید کہا گیا ہے کہ جنگ کے آغاز سے اب تک مغربی کنارے اور 1948 کے علاقوں میں 700 سے زائد خواتین کو گرفتار کیا جا چکا ہے، جبکہ غزہ میں گرفتاریوں کے اعداد و شمار دستیاب نہیں ہیں۔