سعودی عرب، ترکی اور پاکستان کا استنبول میں پہلا دفاعی اجلاس

?️ 31 اگست 2026

سچ خبریں:معاہدہ مکہ کے تحت سعودی عرب، ترکی اور پاکستان کی سیاسی و دفاعی اسٹریٹجک کمیٹی کا پہلا اجلاس استنبول میں شروع ہوگیا، جس میں دفاعی تعاون اور مشترکہ فوجی صنعت پر بات چیت متوقع ہے۔

العربیہ کے مطابق سعودی عرب، ترکی اور پاکستان کے اعلیٰ حکام نے پیر کے روز استنبول میں مشترکہ دفاعی معاہدے مکہ کے تحت قائم کی گئی سیاسی و دفاعی اسٹریٹجک کمیٹی کے پہلے اجلاس میں شرکت کی۔

سعودی عرب کے وزیر دفاع شہزادہ خالد بن سلمان، جنہوں نے سعودی وفد کی قیادت کی، اس سے قبل وزیر خارجہ شہزادہ فیصل بن فرحان اور دیگر اعلیٰ فوجی حکام کے ہمراہ اجلاس میں پہنچے۔

اس اجلاس میں سعودی عرب، ترکی اور پاکستان کے وزرائے دفاع و خارجہ اور تینوں ممالک کے افواج کے سربراہان بھی شریک ہیں۔

روئٹرز نے اتوار کے روز رپورٹ کیا تھا کہ اجلاس میں دفاعی صلاحیتوں میں اضافے، مسلح افواج کے درمیان باہمی تعاون اور مشترکہ دفاعی صنعت میں تعاون کو مزید گہرا کرنے سمیت مشترکہ پیداوار اور دفاعی ٹیکنالوجی کی ترقی پر تبادلہ خیال متوقع ہے۔

معاہدہ مکہ رواں ماہ کے آغاز میں طے پایا تھا، جس کے تحت تینوں ممالک میں سے کسی ایک پر حملے کی صورت میں دیگر دو ممالک باہمی دفاع کے پابند ہوں گے۔