سعودی عرب کی نظر میں ایران کے ایٹمی پروگرام کا واحد حل

?️ 28 ستمبر 2025

سچ خبریں:سعودی وزیر خارجہ فیصل بن فرحان نے اقوام متحدہ کی جنرل اسمبلی میں کہا کہ ایران کے ایٹمی پروگرام کا مسئلہ صرف سفارتکاری کے ذریعے حل کیا جا سکتا ہے۔

الجزیرہ نیوز چینل کی رپورٹ کے مطابق سعودی عرب کے وزیر خارجہ نے کہا ہے کہ ایران کے ایٹمی پروگرام کے حل کے لیے واحد راستہ سفارتکاری ہے، انہوں نے فلسطین کی پہچان اور دو ریاستی حل کی حمایت، غزہ میں فوری جنگ بندی اور لبنان میں اسرائیلی قبضے کے خاتمے پر زور دیا۔

فیصل بن فرحان نے اقوام متحدہ کی 80 ویں جنرل اسمبلی میں خطاب کرتے ہوئے کہا کہ ایران کے ایٹمی بحران کے حل کے لیے سفارتکاری ہی سب سے مؤثر طریقہ ہے۔

یہ بھی پڑھیں:ایران کے پرامن جوہری پروگرام کے خلاف نیتن یاہو کی نئی بیان بازی

انہوں نے فلسطین کے معاملے پر بھی بات کی اور تمام ممالک سے اپیل کی کہ وہ فلسطین کو تسلیم کریں اور دو ریاستی حل کے نفاذ کی حمایت کریں،فیصل بن فرحان نے صیہونی جارحیت کی شدید مذمت کرتے ہوئے قطر پر حالیہ حملے کو غیرقابل قبول اقدام قرار دیا۔

انہوں نے کہا کہ اقوام متحدہ کو زیادہ مؤثر کردار ادا کرنا چاہیے تاکہ عالمی بحرانوں اور تنازعات کو قابو میں رکھا جا سکے،غزہ میں جاری جنگ کے حوالے سے انہوں نے زور دیا کہ فوری طور پر صیہونی جارحیت کو روکا جائے اور انسانی امداد کی فراہمی یقینی بنائی جائے۔

سعودی وزیر خارجہ نے خبردار کیا کہ غزہ میں جنگ کو روکنے میں عالمی برادری کی سستی خطے اور عالمی سطح پر سلامتی کے لیے خطرہ ہے،انہوں نے لبنان کی حمایت بھی ظاہر کی اور کہا کہ سعودی عرب لبنان کے عوام کے ساتھ کھڑا ہے، حکومت کی طائف معاہدے کی تعمیل اور ہتھیاروں کو مرکزی حکومتی کنٹرول میں رکھنے کی کوششوں کی حمایت کرتا ہے،انہوں نے صیہونی افواج کے لبنان سے مکمل انخلاء پر بھی زور دیا اور بیروت حکومت کی کوششوں کی تعریف کی۔

مزید پڑھیں:ایران امریکہ جوہری مذاکرات کا مستقبل

آخر میں، بن فرحان نے فلسطین کے لیے بڑھتے ہوئے بین الاقوامی تسلیمات کا خیرمقدم کیا اور نیو یارک میں منظور شدہ دو ریاستی حل پر مبنی قرارداد کی حمایت کا اعلان کیا۔