مقبوضہ بیت المقدس میں صہیونی مظاہرین کے ہاتھوں کنیسٹ کی جانب جانے والی سڑکیں بند

سچ خبریں:اسرائیلی وزیر اعظم بنیامین نیتن یاہو کی پالیسیوں کے خلاف مظاہروں کا سلسلہ شدت اختیار کر گیا ہے، جہاں مظاہرین نے صہیونی پارلیمنٹ کنیسٹ کی جانب جانے والی مرکزی سڑکوں کو بند کر دیا، صہیونی پولیس نے طاقت کا استعمال کرتے ہوئے مظاہرین کو منتشر کیا اور کم از کم 5 مظاہرین کو حراست میں لے لیا۔

یہ بھی پڑھیں:ناراض صہیونی مظاہرین کا نعرہ، نیتن یاہو قاتل ہے

قطری نشریاتی ادارے الجزیرہ کی رپورٹ کے مطابق، عبرانی روزنامہ ہارٹیز نے رپورٹ دی ہے کہ صہیونی پولیس نے ان مظاہرین کے خلاف سخت کارروائی کی جو قدس اشغالی (مقبوضہ یروشلم) میں کنیسٹ کے اطراف کی سڑکوں پر دھرنا دیے ہوئے تھے۔ پولیس نے طاقت کا سہارا لیتے ہوئے متعدد افراد کو زبردستی منتشر کیا اور پانچ مظاہرین کو گرفتار کر لیا۔

رپورٹس کے مطابق یہ مظاہرین اسرائیلی آبادکار تھے جو نیتن یاہو کی جانب سے صہیونی خفیہ ایجنسی ‘شاباک’ کے سربراہ کو برطرف کرنے کے فیصلے پر سراپا احتجاج تھے۔ مظاہرین نے کابینہ سے مطالبہ کیا کہ وہ غزہ میں قیدیوں کی رہائی کے بدلے جنگ بندی کے معاہدے پر عمل درآمد کو یقینی بنائے۔

مزید پڑھیں:صہیونی فوج کا خصوصی یونٹ بھی مظاہرین کے جرگے میں شامل

یاد رہے کہ حالیہ دنوں میں نیتن یاہو کو اپنی حکومت کے اندرونی حلقوں اور عوامی سطح پر شدید تنقید کا سامنا ہے، بالخصوص غزہ پر جاری جنگ اور قیدیوں کے تبادلے کے معاہدے میں تاخیر کے باعث اسرائیل کے اندر بڑھتے ہوئے اختلافات اور احتجاجات اس بات کی علامت ہیں کہ صہیونی حکومت کو اندرونی سطح پر سخت چیلنجز درپیش ہیں۔