پوپ فرانسیس ۸۸ سال کی عمر میں انتقال کر گئے ؛کیتھولک دنیا سوگوار

سچ خبریں:واٹیکان نے تصدیق کی ہے دنیا بھر کے کیتھولک عیسائیوں کے روحانی پیشوا پوپ فرانسیس طویل بیماری کے بعد 88 سال کی عمر میں انتقال کر گئے ہی۔

واٹیکان نے اعلان کیا ہے کہ پوپ فرانسیس، دنیا بھر کے کیتھولک عیسائیوں کے روحانی پیشوا، طویل بیماری کے بعد 88 سال کی عمر میں انتقال کر گئے ہیں، ان کی وفات کی خبر کارڈینل کوین فرل، جو واتیکان کے مالی و انتظامی امور کے نگران ہیں، نے سوشل میڈیا پلیٹ فارم ایکس پر دی۔

یہ بھی پڑھیں:پوپ فرانسیس کے گردوں میں پرابلم؛ حالت نازک

پوپ فرانسیس 14 فروری سے روم کے جملی اسپتال میں دونوں پھیپھڑوں میں انفیکشن کے باعث زیر علاج تھے، گزشتہ دو برسوں میں وہ کئی بار اسپتال میں داخل رہے، جہاں ان کی صحت کی نگرانی اور علاج جاری رہا۔

واٹیکان نے ان کی اسپتال میں موجودگی کے دوران مسلسل ان کی طبی حالت کے بارے میں معلومات فراہم کیں، پاپ کو 23 مارچ کو اسپتال سے ڈسچارج کر دیا گیا اور اسی دن انہوں نے روم کے اسپتال کی بالکونی میں اپنی پہلی عوامی حاضری دی، جسے ان کی بحالی صحت کی علامت کے طور پر دیکھا گیا۔

پوپ فرانسیس، جن کا پیدائشی نام خورخه ماریو برگولیو تھا، 17 دسمبر 1936 کو ارجنٹینا کے دارالحکومت بونوس آئرس کے علاقے فلورز میں پیدا ہوئے، وہ 1998 میں بونوس آئرس کے اسقف اعظم بنے، اور انہوں نے سادہ طرزِ زندگی اور سماجی انصاف کے فروغ کے لیے شہرت پائی۔

سال 2001 میں پوپ جان پال دوم نے برگولیو کو کارڈینل مقرر کیا،انہوں نے کلیسیا کے اندر غریبوں کی حمایت، اصلاحات، اور سادگی کو اپنا شعار بنایا، اور اپنی عاجزی و خدمت کے جذبے سے عالمی شہرت حاصل کی، 2005 میں وہ پاپ بننے کے ممکنہ امیدواروں میں شامل تھے لیکن بعد میں پوپ بینیڈکٹ شانزدہم کے حق میں دستبردار ہو گئے۔

2013 میں پاپ بینیڈکٹ کی ریٹائرمنٹ کے بعد، برگولیو کو 266ویں پوپ کے طور پر منتخب کیا گیا، وہ جنوبی امریکہ سے منتخب ہونے والے پہلے پوپ تھے اور تقریباً 1300 سال بعد پہلے غیر یورپی پاپ بنے، ان سے قبل یہ اعزاز صرف پاپ گریگوری سوم کو حاصل تھا جو شام سے تعلق رکھتے تھے اور 731 میں منتخب ہوئے۔

مزید پڑھیں: پوپ کا فلسطینیوں کی انسانی صورتحال پر اظہار افسوس

پوپ فرانسیس نے اپنے دورِ قیادت میں ماحولیات، غریبوں کے حقوق، بین المذاہب مکالمے اور چرچ کے اندر شفافیت کے لیے نمایاں اقدامات کیے، ان کا دور، چرچ کی جدید سمت کا ترجمان سمجھا جاتا ہے۔