پاکستان کی بھارت کے ساتھ کشیدگی پر تحقیقات میں روس اور چین کو شامل کرنے کی پیشکش

پاکستانی وزیر دفاع خواجہ آصف نے اسپوٹنک نیوز کو دیے گئے ایک انٹرویو میں زور دیا کہ روس اور چین دونوں حالیہ کشمیر حملے سے متعلق حقائق جاننے کے لیے کسی بھی بین الاقوامی تحقیقاتی عمل میں حصہ لے سکتے ہیں۔  انہوں نے کہا کہ میری رائے میں روس، چین یا حتیٰ کہ مغربی ممالک اس بحران میں مثبت کردار ادا کر سکتے ہیں۔

یہ بھی پڑھیں:پاک بھارت کشیدگی؛ پیٹرولیم مصنوعات کی وافر مقدار ذخیرہ کرنے کے احکامات جاری

خواجہ آصف نے مزید کہا کہ یہ ممالک ایک تحقیقاتی ٹیم تشکیل دے سکتے ہیں تاکہ بھارت کے دعوؤں کی سچائی یا جھوٹ کا تعین کیا جا سکے۔

خواجہ آصف نے پہلے بھی اپنے بیانات میں واضح کیا تھا کہ وہ نہیں سمجھتے کہ موجودہ کشیدگی بھارت اور پاکستان کے درمیان ایٹمی جنگ میں تبدیل ہو سکتی ہے،انہوں نے کہا کہ ہند اور پاکستان دونوں ایٹمی طاقتیں ہیں، لیکن مجھے یقین نہیں کہ حالات اس حد تک پہنچیں گے۔

مزید پڑھیں:کشیدگی بڑھانا نہیں چاہتے لیکن حملہ ہوا تو اس سے بڑا جواب دیں گے، وزیر دفاع

خواجہ آصف کے یہ بیانات اس حملے کے بعد سامنے آئے ہیں جو گزشتہ ہفتے بھارتی علاقے پہلگام میں پیش آیا تھا،اس حملے میں کم از کم 26 سیاح ہلاک اور متعدد زخمی ہو گئے تھے، جس نے خطے میں ایک بار پھر کشیدگی کو ہوا دی ہے۔