جنگ بندی کے دوران شہید ہونے والے فلسطینیوں کی تعداد

سچ خبریں:20 جنوری سے جاری جنگ بندی کے باوجود صہیونی فوج کی وحشیانہ کارروائیاں جاری، فلسطینیوں کی شہادتوں کا سلسلہ نہ رک سکا۔  

 الجزیرہ کی رپورٹ کے مطابق غزہ کی وزارت صحت نے اعلان کیا ہے کہ 20 جنوری سے نافذ ہونے والے آتش بس کے بعد بھی، اسرائیلی فوج کے حملوں میں 98 فلسطینی شہید ہو چکے ہیں۔

یہ بھی پڑھیں: 2000 سے اب تک صیہونیوں کے ہاتھوں 46 فلسطینی صحافیوں کی شہادت

 اعداد و شمار کے مطابق:

– جنوری میں 23 فلسطینی شہید اور 8 زخمی

– فروری میں 31 فلسطینی شہید اور 16 زخمی

– مارچ کے آغاز سے اب تک 44 فلسطینی شہید اور 2 زخمی

 یہ رپورٹ اس حقیقت کی عکاسی کرتی ہے کہ اگرچہ اسرائیل اور حماس کے درمیان 19 جنوری کو باضابطہ جنگ بندی کا معاہدہ طے پایا تھا، مگر تل ابیب نے اس معاہدے کا احترام نہیں کیا اور فلسطینیوں پر مظالم بدستور جاری ہیں۔

یاد رے کہ 7 اکتوبر 2023 کے بعد غزہ میں شہادتوں کی مجموعی تعداد:

 48529 فلسطینی شہید

 111955 فلسطینی زخمی

 غزہ کے مقامی حکام کا کہنا ہے کہ  اب بھی تقریباً 10000 فلسطینیوں کی لاشیں ملبے تلے دبی ہوئی ہیں، جنہیں حتمی طور پر شہداء کی فہرست میں شامل کیا جانا چاہیے۔

مزید پڑھیں:غزہ میں شہداء کے اجسام کا پگھلنا؛ غیرروایتی ہتھیاروں کا استعمال

 یہ اعداد و شمار واضح کرتے ہیں کہ اسرائیل نہ صرف بین الاقوامی قوانین کی خلاف ورزی کر رہا ہے، بلکہ اس کے مظالم عالمی برادری کی خاموشی کی بدولت شدت اختیار کر چکے ہیں۔