ٹرمپ کیا چاہتے ہیں، کوئی نہیں جانتا:برطانوی اخبار

سچ خبریں:برطانوی اخبار نے لکھا ہے کہ ڈونلڈ ٹرمپ کی غیر متوازن خارجہ پالیسی عالمی اتحادیوں اور سرمایہ کاروں کو الجھن میں ڈال رہی ہے۔ ان کے ذاتی مفادات قومی اسٹریٹجک اہداف پر غالب ہیں، جس سے دنیا کو امریکی پالیسیوں کا اندازہ لگانا مشکل ہو گیا ہے۔

برطانوی اقتصادی روزنامہ فایننشال ٹائمز نے ڈونلڈ ٹرمپ کی خارجہ پالیسی پر شدید تنقید کرتے ہوئے کہا ہے کہ ان کا غیر متوازن رویہ نہ صرف عالمی سطح پر شکوک و شبہات کو جنم دے رہا ہے بلکہ امریکی اتحادیوں اور بین الاقوامی سرمایہ کاروں کے لیے بھی شدید پریشانی کا باعث بن چکا ہے۔

یہ بھی پڑھیں:ٹرمپ کی ایران کے لیے کیا پالیسی ہوگی؟

اس رپورٹ کو عربی 21 نے نقل کرتے ہوئے لکھا ہے کہ ٹرمپ کی خارجہ پالیسی نے دنیا کو بے یقینی کی حالت میں ڈال دیا ہے۔ ان کی پالیسیاں ذاتی مفادات پر مبنی ہیں، جن میں کوئی اسٹریٹجک تسلسل یا پیش بینی ممکن نہیں۔

رپورٹ میں اس جانب بھی اشارہ کیا گیا کہ نارتھ اٹلانٹک ٹریٹی آرگنائزیشن (نیٹو) کے اجلاس سے قبل امریکی اتحادیوں میں گہری تشویش پائی جاتی تھی، کیونکہ انہیں معلوم نہیں تھا کہ ٹرمپ کس مؤقف کے ساتھ شریک ہوں گے،دلچسپ بات یہ ہے کہ ٹرمپ کی ذہنی کیفیت اور رویہ اس وقت نسبتاً بہتر ہو گیا جب سابق ڈچ وزیر اعظم نے ان کی خارجہ پالیسیوں کی تعریف کی۔

مزید پڑھیں:ایران کا ٹرمپ کے خط کے تمام پیراگراف کا مناسب زبان میں جواب 

فائننشل ٹائمز مزید لکھتا ہے کہ ایران سے لے کر نیٹو تک، ٹرمپ کی پالیسیوں میں تضاد نے یہ سوال کھڑا کر دیا ہے کہ امریکہ کی سمت دراصل کیا ہے؟امریکہ کے سابق دفاعی عہدیدار جِم ٹاؤنسینڈ نے بھی اسی تشویش کا اظہار کیا اور کہا کہامریکی حکام جب کوئی فیصلہ لیتے ہیں، تو اگلے ہی لمحے ٹرمپ کی جانب سے ایک ٹویٹ آتا ہے جو اس فیصلے کو رد کر دیتا ہے۔ یہ صورتحال فیصلہ سازی کو غیر سنجیدہ بنا دیتی ہے۔