کوئی بھی فلسطینیوں پر دوسرا یوم نکبہ مسلط نہیں کر سکتا؛ اسرائیل کو 100 ارب ڈالر جرمانہ ادا کرنا ہوگا:ترکی

سچ خبریں:ترکی کے صدر رجب طیب اردوغان نے ایک بیان میں کہا کہ کوئی بھی فلسطینیوں پر دوسرا یوم نکبہ مسلط نہیں کر سکتا اور ایسا کبھی نہیں ہوگا۔

ترکی کی خبر ایجنسی انادولو کی رپورٹ کے مطابق ترکی کے صدر رجب طیب اردوغان نے کوالالمپور میں ترکی اور ملائیشیا کی اسٹریٹجک تعاون کی نشست کے دوران  کہا کہ کوئی بھی فلسطینیوں پر دوسرا یوم نکبہ مسلط نہیں کر سکتا۔

یہ بھی پڑھیں: غزہ کی تعمیر نو میں کتنے سال لگیں گے؟

 انہوں نے کہا کہ سب سے پہلے اسرائیل سے وہ نقصان حاصل کرنا ضروری ہے جو اس نے فلسطینیوں کی اراضی کو تباہ کر کے پہنچایا، اور پھر غزہ کی تعمیر نو کا عمل شروع کیا جائے۔

اردوغان نے مزید کہا کہ اسرائیل اور اس کے انتہا پسند آبادکاروں نے جو اراضی غصب کی ہے وہ فلسطینیوں کو واپس کی جانی چاہیے۔

انہوں نے غزہ کی تباہی کی قیمت کو 100 ارب ڈالر تخمینہ کیا اور کہا کہ اس تباہی کا ذمہ دار اسرائیل اور اس کا وزیر اعظم نیتن یاہو ہے۔

اردوغان نے کہا کہ نیتن یاہو کو غزہ کے لوگوں کے لیے زمین کی تلاش کے بجائے 100 ارب ڈالر کی قیمت کا حساب کتاب کرنا ہوگا جو اس نے غزہ میں تباہی مچائی ہے۔

صدر ترکی نے اس بات پر زور دیا کہ جب تک انصاف کا نظام قائم نہیں ہوتا، وہاں امن، سکون اور ترقی ممکن نہیں ہے۔

مزید پڑھیں: ہم غزہ کی تعمیر نو کے لیے فنڈ فراہم نہیں کریں گے:وائٹ ہاؤس 

 انہوں نے مزید کہا کہ دنیا کے تمام مسائل کو حل کرنے کے لیے ہمیں ایک نئی عالمی ترتیب کی ضرورت ہے، جہاں اسلامی دنیا، جو دو ارب سے زائد افراد پر مشتمل ہے، کی نمائندگی ہو، اگر ایسا نہ ہو تو کوئی نظام کبھی بھی انصاف نہیں فراہم کر سکتا۔