جنوبی شام میں صیہونی فوجیوں کی نئی نقل و حرکت

?️ 28 اگست 2026

سچ خبریں:شامی ذرائع نے ملک کے جنوبی علاقوں میں صیہونی فوجیوں کی نئی نقل و حرکت کی اطلاع دی ہے۔

الاخباریہ نیوز ایجنسی کی رپورٹ کے مطابق شامی میڈیا نے جنوبی شام میں صہیونی حکومت کی ایک اور جارحیت کی خبر دی ہے۔

شامی ذرائع نے بتایا کہ صیہونی فوجی جنوبی شام کے علاقے قنیطرہ کے مضافات میں داخل ہوگئے۔

صیہونی فوجیوں نے طرنجه گاؤں میں ایک مکان پر دھاوا بول کر اس کی تلاشی لی۔

واضح رہے کہ صہیونی حکومت جنوبی شام پر حملوں اور وہاں کے شہریوں کو نشانہ بنا کر اس ملک کے خلاف اپنی جارحیت اور 1974 کے معاہدے کی خلاف ورزی کا سلسلہ جاری رکھے ہوئے ہے۔

یہ ایسے وقت میں ہے جب شام متعدد بار اپنی سرزمین سے صیہونی فوجیوں کے انخلا کا مطالبہ کرچکا ہے۔