نیتن یاہو شدید بحران کا شکار ہیں:حزب اللہ 

سچ خبریں:حزب اللہ کے سکریٹری جنرل شیخ نعیم قاسم نے تاکید کی کہ نیتن یاہو انتہائی سخت حالات میں ہے اور ضاحیہ جنوبی بیروت پر حالیہ صہیونی حملہ امریکہ کی پشت پناہی سے ہوا، حزب اللہ نے لبنانی حکومت سے سیز فائر کی پاسداری اور تعمیرنو میں تیزی کا مطالبہ کیا۔

المنار نیوز چینل کی رپورٹ کے مطابق، حزب اللہ کے سکریٹری جنرل شیخ نعیم قاسم نے اپنے خطاب میں لبنان کی داخلی صورتحال، اسرائیلی جارحیت کے جواب میں حکومتی اقدامات کی ضرورت، اور جنوب لبنان سے اسرائیل کے انخلاء پر زور دیا۔

یہ بھی پڑھیں: مجرم نیتن یاہو اپنے ذاتی مفادات کے لیے ہمارے ساتھ کیا کر رہا ہے؟صیہونی آباد کار

شیخ قاسم نے کہا کہ ہماری تین بنیادی ترجیحات ہیں: پہلا، صہیونی جارحیت کو روکنا، جنوب لبنان سے انخلا اور قیدیوں کی آزادی؛ دوسرا، دشمن کے حملے سے تباہ شدہ علاقوں کی بازسازی؛ اور تیسرا، ملک کی ترقی اور حکومتی اداروں کی مضبوطی۔

انہوں نے واضح کیا کہ حزب اللہ نے سیز فائر معاہدے کی مکمل پاسداری کی ہے جبکہ اسرائیل نے تین ہزار سے زائد مرتبہ جنگ بندی کی خلاف ورزی کی ہے۔ انہوں نے لبنانی حکومت سے مطالبہ کیا کہ سیز فائر پر عمل درآمد کے لیے مقامی اور بین الاقوامی سطح پر مزید کوششیں کی جائیں۔

شیخ قاسم نے زور دے کر کہا کہ ضاحیہ جنوبی بیروت پر حالیہ اسرائیلی حملہ امریکہ کی حمایت سے انجام پایا ہے۔ امریکہ کو یہ سمجھ لینا چاہیے کہ لبنان میں اس کے مفادات کا تحفظ اسی وقت ممکن ہے جب یہاں استحکام ہو۔

انہوں نے کہا کہ صہیونی حکومت لبنان پر کنٹرول حاصل کرنے اور یہاں یہودی بستیوں کے قیام کی کوشش کر رہی ہے اور امریکہ بھی انہی عزائم کو آگے بڑھا رہا ہے۔

شیخ قاسم نے کہا کہ ہم نے ہمیشہ مشکل وقت میں ڈٹے رہ کر دشمن کو پسپائی پر مجبور کیا۔ لبنان مضبوط ہے اور مقاومت، فوج اور عوام کی تکون کی برکت سے ہمیشہ مضبوط رہے گا۔ نتانیاہو سخت ترین حالات میں ہے اور اپنے مقاصد حاصل کرنے میں ناکام رہا ہے۔

انہوں نے لبنانی حکومت سے مطالبہ کیا کہ متاثرہ علاقوں کی بازسازی کو ترجیح دے اور کہا کہ کوئی معاہدہ بازسازی کے بغیر مکمل نہیں ہوگا۔

شیخ نعیم قاسم نے بتایا کہ حزب اللہ نے اب تک ۵۰ ہزار سے زائد بے گھر افراد کو پناہ دی اور ۳۳۲ ہزار گھروں کی مرمت کی۔

انہوں نے مزید کہا کہ ہم نے ہمیشہ خدمت اور عوامی بہبود کو اپنی ترجیح بنایا ہے اور آئندہ بلدیاتی انتخابات میں بھی اسی جذبے سے، امل موومنٹ کے ساتھ اتحاد میں کام کریں گے۔

شیخ نعیم قاسم نے ایران کے شہر بندرعباس میں حادثے پر ایرانی قیادت، حکومت اور عوام سے تعزیت کی اور غزہ کی عوام کی استقامت کو خراج تحسین پیش کیا۔

مزید پڑھیں: کیا صیہونی ریاست میں ایک اور طوفان آنے والا ہے؟ ممتاز عربی اخباروں کی سرخی

انہوں نے کیتھولک دنیا سے پاپائے روم فرانسیس کے انتقال پر تعزیت کا اظہار بھی کیا۔