امریکہ کی بڑی یونیورسٹیوں کا ٹرمپ حکومت کے خلاف اتحاد

سچ خبریں:آئیوی لیگ سمیت معروف امریکی یونیورسٹیوں نے ٹرمپ حکومت کی جانب سے تحقیقاتی فنڈز کے خاتمے اور تعلیمی خودمختاری پر حملوں کے خلاف اتحاد قائم کر لیا،یونیورسٹیوں نے آزادیِ تعلیمی پالیسی، داخلوں اور نصاب پر سرخ لکیریں کھینچ دی ہیں۔

ترک خبر رساں ادارے اناطولیہ کے مطابق، امریکہ کی ممتاز یونیورسٹیوں کے سربراہان نے ٹرمپ حکومت کی جانب سے تعلیمی اداروں پر مالی و سیاسی دباؤ کے خلاف متحد ہو کر ایک خصوصی ائتلاف تشکیل دیا ہے۔

یہ بھی پڑھیں:امریکہ کی کولمبیا یونیورسٹی کے صدر نے استعفیٰ کیوں دیا ؟

وال اسٹریٹ جرنل نے اپنی رپورٹ میں انکشاف کیا ہے کہ امریکہ کی کئی نمایاں یونیورسٹیوں کے صدور نے امریکی صدر ڈونلڈ ٹرمپ کی جانب سے تحقیقاتی بجٹ کی بندش اور تعلیمی آزادی پر حملوں کے خلاف ایک مشترکہ پلیٹ فارم پر جمع ہونے کا فیصلہ کیا ہے۔

یہ اتحاد تقریباً 10 اعلیٰ تعلیمی اداروں پر مشتمل ہے، جن میں سے بیشتر آئیوی لیگکی نمائندگی کرتے ہیں، یعنی وہ آٹھ پرائیویٹ یونیورسٹیاں جو امریکہ کی سب سے بااثر اور پرانی جامعات میں شمار ہوتی ہیں، نیز دیگر معروف تحقیقی جامعات بھی اس اتحاد کا حصہ ہیں۔

رپورٹ کے مطابق، اس اتحاد کا پس منظر اُس متنازعہ اقدام سے جڑا ہے جس میں ٹرمپ انتظامیہ نے ہارورڈ یونیورسٹی کو ایک ثقافتی صفائیکے مطالبے کی فہرست دی ہے، جسے کئی ماہرین تعلیم آزادیِ علمی پر حملہ قرار دے رہے ہیں۔

یہ اتحاد صرف یونیورسٹی صدور تک محدود نہیں بلکہ ان جامعات کے بورڈ آف ٹرسٹیز کے اراکین بھی اس میں شامل ہیں۔ اراکین نے اس بات پر زور دیا ہے کہ ان کے نزدیک کچھ سرخ لکیریںناقابلِ عبور ہیں، جن میں تحقیقی آزادی، داخلے سے متعلق خود مختاری، اساتذہ کی بھرتی، اور نصاب سازی کے فیصلے شامل ہیں۔

ٹرمپ حکومت کی جانب سے یونیورسٹیوں کو وائٹ ہاؤس کی پالیسیوں سے ہم آہنگ کرنے کے لیے شدید دباؤ ڈالا جا رہا ہے۔ اس دباؤ کے ذرائع میں وفاقی فنڈنگ میں کٹوتی اور غیر ملکی طلبہ کے ویزے منسوخ کرنا شامل ہیں۔

ٹرمپ نے 2025 میں دوبارہ وائٹ ہاؤس واپسی کے بعد کئی اعلیٰ تعلیمی اداروں کو براہ راست نشانہ بنایا ہے۔ ان میں:

مزید پڑھیں:کولمبیا یونیورسٹی میں فلسطینی طالب علم کی ملک بدری کا حکم جاری 

– کولمبیا یونیورسٹی کے 400 ملین ڈالر کے فنڈز کی معطلی،

– ہارورڈ کی 2 ارب ڈالر سے زائد کی مالی امداد کا خاتمہ،

– اور کم از کم 60 جامعات کے خلاف تحقیقات شامل ہیں،

جن تحقیقات کا محور نسلی، قومی، صنفی اور ثقافتی تنوع کے پروگرام، فلسطینی حمایت میں طلبہ مظاہروں کا ردعمل، اور یونیورسٹی کی پالیسیوں پر اثر انداز ہونا ہے۔