جنگی حالات میں لوٹ مار؛ صیہونی معاشرے کا نیا بحران بے نقاب

سچ خبریں:ایرانی میزائل حملوں کے دوران اسرائیل میں تباہ شدہ گھروں کی لوٹ مار ایک سماجی بحران بن گئی،صہیونی حکومت نے ایمرجنسی حالات میں چوری کے جرم کی سزا دُگنی کرنے کا نیا قانون منظور کر لیا ہے۔

صیہونی ذرائع ابلاغ کی رپورٹ کے مطابق، ایران کے ساتھ حالیہ 12 روزہ جنگ نے نہ صرف صہیونی دفاعی کمزوریوں کو نمایاں کیا بلکہ صہیونی معاشرے کے اندرونی مسائل کو بھی بے نقاب کر دیا،خاص طور پر میزائل حملوں کے دوران تباہ شدہ گھروں کی لوٹ مار ایک سنگین مسئلہ بن گئی جس نے صہیونی حکام کو ہلا کر رکھ دیا۔

یہ بھی پڑھیں:ایران کے ساتھ جنگ کے بعد صہیونی لابی کی مایوسی

روزنامہ معاریو کی رپورٹ کے مطابق، یہ جنگ اسرائیلی معاشرے میں پائے جانے والے بدترین رویوں کو سامنے لائی۔ درجنوں متاثرہ گھروں میں سیکڑوں شہریوں نے چوری اور لوٹ مار کی، جن میں سے کچھ گرفتار جبکہ دیگر فرار ہونے میں کامیاب ہو گئے۔

اس سنگین صورتحال کے پیش نظر، اسرائیل کی وزارتی کمیٹی برائے قانون سازی نے حال ہی میں ایک نیا قانون منظور کیا ہے، جس کے تحت جنگی حالات یا قدرتی آفات کے دوران اگر کوئی چوری یا لوٹ مار کرے تو اسے عام حالات کے مقابلے میں دوگنی سزا دی جائے گی۔

صہیونی پولیس نے تصدیق کی ہے کہ جنگ کے دنوں میں چوری کی وارداتوں میں درجنوں فیصد اضافہ ہوا،خصوصی طور پر وہ مکانات جو ایرانی میزائل حملوں میں تباہ ہوئے یا جن کے رہائشی علاقہ چھوڑ چکے تھے،ان گھروں کو لوٹنے کے لیے باقاعدہ منصوبہ بندی کی گئی۔

متعدد واقعات پولیس اسٹیشنوں میں رپورٹ کیے گئے، اور متعدد افراد کو موقع پر گرفتار کیا گیا، جبکہ کئی ابھی تک مفرور ہیں۔

مزید پڑھیں:الازہر: ایران اسرائیل جنگ صہیونی دہشت گردی اور اس کے ڈیجیٹل ٹولز کے ارتقا کو ظاہر کرتی ہے

تجزیہ کاروں کے مطابق، یہ صورتحال اسرائیل کے لیے ایک دوہرا چیلنج بن چکی ہے، ایک طرف بیرونی حملوں کا خطرہ،دوسری طرف اپنے ہی معاشرے میں بڑھتی ہوئی بداعتمادی، اخلاقی انحطاط اور قانونی کمزوری