اسرائیل کی ممکنہ جنگ کی تیاری؛ 400000 ریزرو فوجیوں کی بھرتی کا امکان  

سچ خبریں:اسرائیلی ذرائع نے اطلاع دی ہے کہ بنیامین نیتن یاہو کی کابینہ نے ایک نئے منصوبے کی منظوری دے دی ہے، جس کے تحت 400000 ریزرو فوجیوں کو متحرک کرنے کی اجازت دی گئی ہے۔  

الجزیرہ نیوزچینل نے صیہونی چینل 12 کے حوالے سے رپورٹ دی کہ اسرائیلی کابینہ نے آج صبح اپنے اجلاس میں اس منصوبے کی حمایت کی، جس کے تحت یہودی عیدِ فسح (پاس اوور) اور رمضان کے دوران مشروط جنگ بندی اور فوجی متحرکیت دونوں کو ممکن بنایا جا سکتا ہے۔

یہ بھی پڑھیں:قیدیوں کے تبادلے کے دوسرے مرحلے کے بارے میں صیہونی باشندوں کا اظہار خیال

نیتن یاہو کے دفتر کی جانب سے جاری کردہ بیان کے مطابق، اسرائیل نے امریکی نمائندے اسٹیو وٹکاف کے اس فریم ورک سے اتفاق کر لیا ہے، جس کے تحت ابتدائی طور پر نصف اسرائیلی قیدیوں کو رہا کیا جائے گا، خواہ وہ زندہ ہوں یا ہلاک۔

لیکن حماس نے اس منصوبے کو مسترد کر دیا اور کہا کہ یہ اصل معاہدے کی خلاف ورزی ہے، جس پر امریکہ اور اسرائیل نے خود دستخط کیے تھے، حماس کا مؤقف ہے کہ قیدیوں کے تبادلے کا عمل صرف اس وقت آگے بڑھ سکتا ہے جب اسرائیل جنگ بندی کے دوسرے مرحلے پر عمل درآمد کرے۔

بیان میں مزید کہا گیا کہ گر اسرائیل کو لگا کہ مذاکرات اس کے حق میں نہیں جا رہے تو وہ کسی بھی وقت دوبارہ جنگ شروع کر سکتا ہے۔

اسرائیلی اور امریکی ذرائع کے مطابق، اس وقت 59 اسرائیلی قیدی حماس کے پاس موجود ہیں، جن میں سے 22 زندہ جبکہ 37 ہلاک ہو چکے ہیں۔

عبرانی ذرائع کا کہنا ہے کہ تل ابیب، قیدیوں کے تبادلے کے دوسرے مرحلے سے پیچھے ہٹ چکا ہے اور امریکی ایلچی وٹکاف کی تجویز کو اختیار کر رہا ہے، جس کے تحت صرف جنگ بندی کے پہلے مرحلے میں توسیع کی جا رہی ہے، نہ کہ مستقل حل کی طرف پیش رفت۔

مزید پڑھیں: قیدیوں کے تبادلے کے دوسرے مرحلے کی تازی ترین صورتحال

نیتن یاہو حکومت کا یہ نیا جنگی اقدام ظاہر کرتا ہے کہ اسرائیل مکمل جنگ بندی کے بجائے اپنی فوجی طاقت بڑھانے اور جنگ کو طول دینے کی تیاری کر رہا ہے۔