عراق کی اسرائیل کو وارننگ

سچ خبریں:عراق کے وزیراعظم محمد شیاع السوڈانی نے ایک بار پھر اپنے ملک کی فضائی حدود کو ایران پر حملے کے لیے استعمال کرنے کی سختی سے مخالفت کی ہے، انہوں نے اسے عالمی امن کے لیے خطرہ قرار دیا اور اقوام متحدہ سے مداخلت کا مطالبہ کیا۔

عراق کے وزیراعظم محمد شیاع السوڈانی نے ایک بار پھر واضح الفاظ میں اس امر کی مخالفت کی ہے کہ اسرائیل عراق کی فضائی حدود کو ایران پر حملے کے لیے استعمال کرے،انہوں نے اس عمل کو نہ صرف عراق کی خودمختاری کی کھلی خلاف ورزی بلکہ خطے کے امن کے لیے سنگین خطرہ قرار دیا۔

یہ بھی پڑھیں:برطانوی انسانی حقوق کی تنظیموں کی جانب سے اسرائیل کے ایران پر حملے کی شدید مذمت 

عراقی خبررساں ایجنسی واع کی رپورٹ کے مطابق اس ملک کے وزیراعظم کے دفتر کی جانب سے جاری بیان میں کہا گیا ہے کہ بغداد میں تعینات برطانوی سفیر عرفان صدیق نے ہفتے کے روز وزیراعظم السوڈانی سے ملاقات کی،ملاقات میں دونوں ممالک کے درمیان دوطرفہ تعلقات، علاقائی صورتحال اور مختلف شعبوں میں تعاون کے فروغ کے امکانات پر تبادلہ خیال کیا گیا۔

ملاقات کے دوران، السوڈانی نے زور دے کر کہا کہ عراق کسی بھی ملک، بشمول صہیونی ریاست، کو اجازت نہیں دے گا کہ وہ ہماری فضائی حدود کو ایران پر حملے کے لیے استعمال کرے، یہ اقدام نہ صرف عراق کی سالمیت بلکہ بین الاقوامی امن و سلامتی کے لیے بھی خطرہ ہے۔

انہوں نے اس بات پر بھی زور دیا کہ اقوام متحدہ کی سلامتی کونسل کے مستقل اراکین اور بڑی طاقتوں کو اپنی ذمہ داری نبھاتے ہوئے ایران کے خلاف حملے اور غزہ میں روزمرہ قتل عام کو روکنے کے لیے فعال کردار ادا کرنا چاہیے۔

مزید پڑھیں:اسرائیلی حملے کی مذمت کرنے والے ممالک 

السوڈانی نے مزید کہا کہ محصور شہریوں کو انسانی امداد کی فراہمی ناگزیر ہے، اور عالمی برادری کو چاہیے کہ وہ فوری طور پر اس حوالے سے مؤثر اقدامات کرے۔