ایرانی میزائل انتہائی تباہ کن، اسرائیل کو مفلوج کرنے کی صلاحیت رکھتے ہیں؛ صیہونی میڈیا کا اعتراف

?️ 14 فروری 2026

سچ خبریں:صیہونی اخبار یدیعوت احرونٹ اور صہیونی تجزیہ کاروں نے اعتراف کیا ہے کہ ایران کے میزائل نہایت تباہ کن ہیں اور جنگ کی صورت میں اسرائیل کے اندرونی محاذ کو مفلوج کرنے کی صلاحیت رکھتے ہیں۔

روسی خبر رساں ادارے روسیا الیوم کی رپورٹ کے مطابق صہیونی ذرائع ابلاغ نے ایران کی میزائل طاقت کا اعتراف کرتے ہوئے خبردار کیا ہے کہ ایرانی میزائل اسرائیل کے لیے انتہائی خطرناک اور تباہ کن ثابت ہو سکتے ہیں۔

یہ بھی پڑھیں: ایران نے صیہونیوں کے ساتھ کیا کیا ہے؟ نیتن یاہو کی زبانی

رپورٹ کے مطابق عبرانی زبان کے معروف اخبار یدیعوت احرونٹ نے اپنی رپورٹ میں اعتراف کیا ہے کہ ایران اپنے میزائل پروگرام کو محدود کرنے کے حوالے سے کسی بھی قسم کی بات چیت یا سمجھوتہ کرنے پر آمادہ نہیں ہے۔ اس رپورٹ میں کہا گیا ہے کہ ایران کے میزائلوں نے ۱۲ روزہ جنگ کے دوران اسرائیلی شہروں میں شدید تباہی مچائی تھی۔

رپورٹ میں مزید کہا گیا ہے کہ میزائل طاقت ایران کے لیے ایک سرخ لکیر کی حیثیت رکھتی ہے، کیونکہ ایران نے ثابت کیا ہے کہ وہ جدید ترین دفاعی نظاموں کی موجودگی کے باوجود اسرائیل کے اندرونی محاذ کو مفلوج کرنے اور بھاری نقصان پہنچانے کی صلاحیت رکھتا ہے۔

صہیونی ویب سائٹ وای نیٹ سے گفتگو کرتے ہوئے میزائل امور کے تجزیہ کار طال عنبر نے کہا کہ ایران کے پاس اب بھی ایسے میزائل موجود ہیں جو ابھی تک استعمال نہیں کیے گئے۔ انہوں نے خبردار کیا کہ اگر جنگ شروع ہوئی تو ایران بیک وقت بڑی تعداد میں میزائل فائر کرنے کی صلاحیت رکھتا ہے، جس سے اسرائیل کو شدید نقصان پہنچ سکتا ہے۔

مزید پڑھیں:ایران میں دنیا کے سب سے بڑے دفاعی نظام کو شکست دینے کی طاقت

یہ اعتراف ایسے وقت میں سامنے آیا ہے جب خطے میں کشیدگی برقرار ہے اور ایران کی دفاعی صلاحیتوں کو اسرائیل اور مغربی حلقوں میں مسلسل تشویش کے ساتھ دیکھا جا رہا ہے۔