ایران نے گزشتہ 46 برسوں میں نمایاں کامیابیاں حاصل کی ہیں:قطری تجزیہ کار 

سچ خبریں:قطری تجزیہ نگار علی الہیل کا کہنا ہے کہ ایران نے گزشتہ دہائیوں میں مختلف شعبوں میں بالخصوص یورینیم کی افزودگی میں بڑی پیشرفت کی ہے۔ ان کے مطابق ایران کا جوہری مسئلہ صرف مذاکرات اور معاہدے سے ہی حل ہو سکتا ہے۔

قطر کے ممتاز تجزیہ کار علی الہیل نے ایران کی گزشتہ ۴۶ سالوں میں حاصل کردہ وسیع کامیابیوں کی جانب اشارہ کرتے ہوئے کہا ہے کہ تہران نے مختلف شعبوں، خاص طور پر یورینیم کی افزودگی کے میدان میں قابلِ ذکر پیشرفت کی ہے۔

یہ بھی پڑھیں:ایران کی دفاعی صلاحیت ناقابل تسخیر سطح پر پہنچ چکی ہے :امریکی اخبار

قطری نشریاتی ادارے المعلومه کے مطابق، علی الہیل نے واضح کیا کہ ایران نے گذشتہ چند دہائیوں میں سائنسی، صنعتی اور دفاعی میدانوں میں اہم کامیابیاں حاصل کی ہیں، اور خاص طور پر جوہری ٹیکنالوجی میں قابلِ لحاظ ترقی کی ہے۔

انہوں نے امریکی سابق صدر ڈونلڈ ٹرمپ کے حالیہ بیانات کو بھی تنقید کا نشانہ بنایا، جن میں ٹرمپ نے ایران کی جوہری تنصیبات کو نشانہ بنانے کی بات کی تھی۔ علی الہیل نے کہا کہ یہ بیانات نہ صرف متضاد ہیں بلکہ غیر حقیقت پسندانہ بھی ہیں۔

مزید پڑھیں:ایران کی دفاعی طاقت سے برطانیہ پریشان

انہوں نے مزید کہا کہ ایران کا جوہری مسئلہ طاقت اور عسکری اقدامات سے نہیں، بلکہ صرف مذاکرات اور باہمی معاہدوں کے ذریعے ہی حل کیا جا سکتا ہے۔